ड्राय डे

"उद्या डिनरला बिर्याणी खायची का रे?" मह्यानी मला विचारलं.

"नको रे भेंजो. लास्ट आठवडा आहे. ती नवीन सिप घेतली, तेव्हापासून एप्रिलमध्ये इन्क्रीमेंट मिळेपर्यंत जरा कट्टूकट होणारेय."

"अरे खर्च नाही यार. बाॅसिणीच्या नवीन घरी पार्टी ठेवलीय. एमडीपासून सगळ्यांना बोलवलंय तिनी. मला कार्ड देऊन बोलली, तू नक्की ये आणि हवं तर कोणाला बरोबर आण. पार्टीत काय पिणार हेपण विचारलं पण मला बरोबर नाही वाटलं मग ज्यूसच बोललो."

"तुझी बाॅसीण लिंबू कलरची साडी घालते का रे मह्या?" मी उगाच चावलो; आणि मह्यानी माझ्या पाठीत गुद्दा घातला. "काहीपण बोलू नको भेंजो. ती देवमाणूस - आपलं, देवबाई - नाही, देवबाईमाणूस आहे."

"बरं ते जाऊदे. पण नवीन घरावर पाटी कशी लिहिणार ती? म्हणजे लोक वाघमारेज, नाडकर्णीज वगैरे लिहितात तर घैसासचं अनेकवचन काय असतं? घैसासेस? घैसास्ज?"

मह्या उचकला. "पार्टी मिळतेय तर गप चल की भेंजो! उगाच नसत्या शंका तुला."

मग दुसऱ्या दिवशी संध्याकाळी चांगले कपडे वगैरे करून मह्या आणि मी त्याच्या बाॅसिणीच्या घरी गेलो. घराच्या पाटीवर "सागर, प्रणिता, नील" अशी नावं लिहून बाजूला तिरक्या अक्षरात घैसास लिहिलं होतं.

कोणीतरी दरवाजा उघडला. आत गेलो. मह्या त्याच्या ऑफिसच्या लोकांबरोबर बोलू लागला. मी उगाच इकडेतिकडे फिरत फर्निचर वगैरे बघत होतो. तर अॅक्चुअली लिंबू कलरचा टाॅप आणि जीन्स घातलेली एक बाई मला म्हणाली, "हॅलो. साॅरी पण मी तुम्हाला ओळखलं नाही."

"मी महेशबरोबर आलोय. महेश ठाकूरबरोबर," मी बोललो.

"अच्छा, महेशचा प्लस वन. वा वा, वेलकम." ती हसत म्हणाली.

"नाही नाही. म्हणजे फक्त कंपनी म्हणून आलोय," मी पटकन बोललो. तेवढ्यात मह्या आला आणि ओळख वगैरे करून दिली, आणि गिफ्ट म्हणून आणलेला टेबललॅम्प दिला.

आम्ही बोलत होतो तेवढ्यात मह्याच्या बाॅसिणीचा नवरा (म्हणजे सागर किंवा नील) आला आणि एक्स्क्यूज करून तिला बाजूला घेऊन गेला. तो काहीतरी बोलला आणि तिचा चेहरा एकदम पडला. तेवढ्यात कोणीतरी आलं आणि सागर किंवा नील त्याला रिसिव्ह करायला गेला.

मह्याने पुढे जाऊन बाॅसिणीला विचारलं, "ऑल वेल, मॅडम?" "नाही रे, जरा गडबड झालीय. व्हिस्की कमी पडणार असं दिसतंय आणि सागरनं ड्रायव्हरला दुकानात पाठवलं तर कळलं की आज ड्राय डे आहे."

"डोन्ट वरी मॅडम, मी करतो काहीतरी" मह्या म्हणाला; आणि आम्ही दोघे बाहेर पडलो. मी बाईक चालवत होतो आणि मह्या मित्रांना फोन करू लागला. अर्ध्या तासात मित्रांच्या स्टाॅकमधून एक अख्खी ग्लेनफिडिच, अर्धी शिवासरिगल, अर्धी जेडी आणि पाऊण जिमबीम गोळा करून आम्ही परत मह्याच्या बाॅसिणीच्या घरी पोचलो.

बाॅसीण प्रचंडच खूष झाली. सागरनीपण पुन्हापुन्हा थँक्यू म्हटलं. पार्टी चांगली झाली. पण मह्याच्या लाजाळूपणामुळे आम्ही दोघे फक्त ऑरेंज ज्यूस पीत होतो एवढाच प्राॅब्लेम होता भेंजो. मग बिर्याणी खाल्ली आणि बाॅसिणीचा निरोप घेऊन घरी गेलो.

ललित लेखनाचा प्रकार: 
field_vote: 
0
No votes yet

प्रतिक्रिया

हीहीही.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

पण मह्याच्या लाजाळूपणामुळे आम्ही दोघे फक्त ऑरेंज ज्यूस पीत होतो एवढाच प्राॅब्लेम होता भेंजो.

एवढाच ??? ग्लेनफिडिच आणि कंपनीचा घोर अपमान आहे हा!
सभ्य यजमानांनी व्हिस्कीची सव्याज परतफेड केली असेल असे गृहीत धरू ना?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- चिंतातुर जंतू Worried
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||

ज्या मोटिव्हेशनने ही धावपळ आणि जुळणी केली तो मोटिव्ह "व्हिस्की" नक्कीच नव्हता हे स्पष्ट दिसतंय. त्या बाबतीत पुढे काय परतफेडीची शक्यता? सागर नाव असलं तरी इतकी दर्यादिली असेल?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मह्याच्या बॉसिणीने त्याला पुढच्या वर्षी प्रमोशन व्हायची शक्यता आहे असं सांगितल्यापासून तो अधिक सजग झालाय. विदेशी भाषासुद्धा शिकू लागलाय पठ्ठ्या.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

ओह नो.. प्रमोशन हे मोटिव्हेशन होतं? शी..

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मह्या निकिताशी मनोमन एकनिष्ठ आहे. साला तिचं नाव बोलता यावं म्हणून इतिहासाच्या पुस्तकातला ख्रुश्चेव्हचा पॅरा घोकत बसायचा - निकिता ख्रुश्चेव्हनी स्टॅलिनचा पंथ संपवला का कायतरी.

  • ‌मार्मिक0
  • माहितीपूर्ण0
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

मह्याच्या बॉसिणीने त्याला पुढच्या वर्षी प्रमोशन व्हायची शक्यता आहे असं सांगितल्यापासून तो अधिक सजग झालाय.

भांडवलशाही मुर्दाबाद!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- चिंतातुर जंतू Worried
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||

सागर, दर्यादिल, कथेची एकूण मांडणी आणि लिंबू कलरची साडी यावरून सागर या लोकप्रिय लेखकाच्या कथांची आठवण आली.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

चारही व्हिस्क्यांच्या पूर्ण भरलेल्या बाटल्या तिसऱ्याच दिवशी पोचत्या झाल्या मह्याकडे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

प्रत्यक्षदर्शनात अतिशय शांत आणि मृदुभाषी वाटणाऱ्या देवदत्त यांच्या मस्तिष्कात सिंधुआज्जी आणि मह्या काय मोकाट दंगा करताहेत ?
माझ्या डोक्यात लै गोंधळ उडून राहिलाय ..

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मज्जा आली वाचायला Smile

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

फक्त चारच वेळा?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

झकास न-गोष्ट आहे! ऑरेंज ज्यूस पिऊन एवढंच सुचणार!!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

ऑरेंज ज्यूस? व्हर्जिन स्क्रूड्रायव्हर म्हणतात त्याला आमच्यात.

  • ‌मार्मिक0
  • माहितीपूर्ण0
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

व्हर्जिन जास्त चढत असणार!

  • ‌मार्मिक0
  • माहितीपूर्ण0
  • विनोदी1
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

.

  • ‌मार्मिक1
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

अश्लील७२

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

हा हा Good 1

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

पुढच्या कथेत मह्याच्या जागी एखादी कार्पोरेट नारायणी घ्या!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

प्रकाश घाटपांडे
http://faljyotishachikitsa.blogspot.in/

खरी खोटी बनवलेली कशीही गोष्ट लिहा। मी आताचा वपु समजून वाचेन. माझं एक्सपोजर फारच कमी आहे.
-------
कॉलेज डे, नंतर युनिवर्सिटी डे'चे आयोजन अमच्या खालसा कॉलेजला मिळालेले. पासेस मिळणे कठीण असते. रावडी प्रतिस्पर्धी ग्यांग राडा करतात. त्यासाठी सक्षम वालंटिअरस निवडतात . माझा पार्टनर होता. त्यामुळे पास मिळाला. तो सिगरेट्स खूप प्यायचा. त्याची सिगारेट्स पाकिटे माझ्या मोज्यात ठेवलेली. लागेल तशी सिगरेट द्यायचो.

(( "तू सिगरेट ओढत नाहीस म्हणजे तुझ्याकडे कोणी मागणार नाही, माला मागतील तेव्हा ही एकच मिळाली कशीतरी सांगेन." मला मोजे घालून ये म्हणाला, "चप्पल वापरतोस पण रंगभवन उघडे आहे तिकडे थंडी असते." ))

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मी आताचा वपु समजून वाचेन.

हा देवदत्त यांचा अपमान आहे!!!

(चांगले लिहितात की हो! (वपु नव्हेत. देवदत्त.))

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

सहमत आहे. नीतीचा धडा वगैरे न देता मजेशीर लिहिणाऱ्या देवदत्तचा अपमान आहे हा.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

वेल, नीतीचा धडा वगैरे कल्पना नाही. आमच्या फनीबोनास टिकलतात, एवढे निश्चित. (आम्हांस तेवढेच कळते. (नि पुरते.))

(नाही म्हणायला, Feral peopleमध्ये काही सटल नीतिपाठ वगैरे अलगद घुसडलेला होता काय? नाही म्हणजे, असल्यास आक्षेप नाही - अखेरीस त्यांची मर्जी आहे! - परंतु खात्री करून घेत आहे, इतकेच.)

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

पुलंच्या काळात वपुंनी आपला एक वेगळा वाचक वर्ग तयार केला या अर्थाने 'आताचा वपु' . आताचे वपु म्हणूया.
लेखकाला बहुतेक पटलय.
प्रस्थापित लेखनाला ढुशी देऊन पुढे जाणं वपुंनी जमवलंच.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

प्रस्थापित लेखनाला ढुशी देऊन पुढे जाणं वपुंनी जमवलंच.

असेलही. (नो कमेंट्स.) पण कोणत्या दर्जाचे लेखन करून? (लेखणीजुलाब नुसता! या रेटने, फेसबुकी नि व्हॉट्सॅपी फॉर्वर्डांनासुद्धा आपला असा एक वाचकवर्ग असतोच, त्याच्याशीही तुलना कराल!)

'आपला वाचकवर्ग निर्माण केला' हा (बाय इटसेल्फ) क्रायटेरियॉनच होऊ शकत नाही. (तसा तर मग केकता क्कपूरलासुद्धा अमाप फॅनवर्ग आहे.)

  • ‌मार्मिक0
  • माहितीपूर्ण0
  • विनोदी0
  • रोचक1
  • खवचट0
  • अवांतर0
  • निरर्थक0
  • पकाऊ0

लोकप्रियता/वाचकप्रियतेचा क्वोशंट वेगळा असू शकतो. तो वपुंना आहे हे धरून वपुंची उपमा दिली.
हे लेखन चांगलं आहे हेच म्हणायचं होतं. पण घात झाला.
((वाचनालयात आणि पुस्तक विक्रीतही वपु पुढे होते त्यांच्या काळात. ))

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

वपुंच्या लेखनाचा दर्जा हा एक वेगळा विषय होईल लेखाचा.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

अवांतर झालं का?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आवडींग!

>>
तेवढ्यात मह्याच्या बाॅसिणीचा नवरा (म्हणजे सागर किंवा नील) ..
>>

Smile

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

फक्त बॉसिणी कानाला विचित्र वाटला.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0