आगामी कार्यक्रम / उत्स्फूर्त कट्टे - कोणकोण येतंय? - ६

दोन फोटो आलेत ग्रुपवर ( पण एकच आहेत)
aise rasik group मधून

१)

तिरशिंगराव, तुम्ही बदल करून दुपारी दिलेला फोटो परत गायब झाला आहे.
लेखात दिलेलल्या सर्व पायऱ्या चेक करा॥ अल्बम 'शेअर्ड अल्बम' दिसल्यावरच त्यातला फोटो क्लिक करून पुन्हा लिंक घ्यावी लागते.

तो फोटो फेसबुकवरून >>view full size >> address bar मधली लिंक वापरून >>

पुणे आंतरराष्ट्रीय चित्रपट महोत्सव (पिफ) जानेवारी १०-१७ दरम्यान होणार आहे. त्यासाठी सदस्यनोंदणी चालू झाली आहे. (अधिक तपशील इथे)

चित्र संवाद भाग ५९ - अक्षरलेखनकार र. कृ. जोशी यांच्याविषयी
सहभाग - माधुरी पुरंदरे (अरुण खोपकर यांच्या लेखाचे अभिवाचन), प्रमोद रिसवडकर, प्रसन्न हळबे
रविवार २३ डिसेंबर सकाळी ११ ते १२:३०
सुदर्शन रंगमंच, शनिवार पेठ, पुणे
अधिक माहिती इथे

उद्या , म्हणजे २५ जानेवारी २०१९ ला शिशा कॅफे , एबीसी फार्म्स , कोरेगाव पार्क येथे विनीत अलुरकर आणि बावधन बूझ बँड , ' बीटल्स ट्रिब्यूट ' कॉन्सर्ट करणार आहेत.
विनीत अलुरकरचे सादरीकरण चांगले असते असा पूर्वानुभव .
इच्छुकांनी लाभ घ्यावा . प्रवेशमूल्य असण्याची शक्यता असू शकते .

सध्या ऑस्टिन, टेक्सास, संयुक्त संस्थाने, एथे (॥तिर्री कृपा॥ होऊन) मराठी लोकांची मंगळागौर परिषद भरलेली आहे. तिचे तपशील इथे सापडतील.

ऐसीवरचे काही चुकार लोक तिकडे सापडतील.

लघुपटाला पूर्ण लांबीच्या चित्रपटांइतकं वलय आणि प्रसिद्धी मिळत नसली तरीही ह्या माध्यमाचा प्रभावी वापर करून जगभर उत्तमोत्तम निर्मिती होत असते. बर्लिन चित्रपट महोत्सवात लघुपटांसाठी एक स्वतंत्र विभाग असतो. त्यातले आणि इतर महोत्सवांतले काही निवडक लघुपट पाहण्याची संधी पुण्यात ह्या वीकेंडला आहे.

वेळ : १५ जून दु. ४ पासून.

4 PM : Dialogues (Queer Mix Berlinale Shorts and Generation Section) – 78 minutes
6 PM : People only sing when they are in love (Animation / Experimental) + The German Short Film Award on Tour – 150 minutes

१६ जून सकाळी १० पासून

10 AM : Short Export – 78 minutes
11:25 AM : Short films from France (TCIFF) – 65 minutes
1 PM : International Short Films in competition (TCIFF) – 140 minutes

स्थळ : एनएफएआय फेज २ (कोथरुड)
ठिकाणाचा नकाशा आणि इतर माहिती फेसबुक इव्हेंट पानावर

प्रवेशमूल्य : नाही. अठरा वर्षं पूर्ण असलेल्यांना ओळखपत्र दाखवून 'प्रथम येणारास प्रथम प्रवेश' तत्त्वानुसार प्रवेश मिळेल.

महोत्सवाचं वेळापत्रक इथे

.

गिरीश कार्नाड यांच्या भाषणाचे व लेखाचे वाचन
मकरंद साठे यांचे व्याख्यान
विषय : स्वातंत्र्य, समकालीन पेच आणि राष्ट्रवाद

वेळ : २९ जून २०१९ सं. ७ वाजता
स्थळ : पत्रकार भवन सभागृह, नवी पेठ, गांजवे चौकाजवळ, पुणे
प्रवेशमूल्य नाही.

चित्रकार अतुल दोडिया यांचे व्याख्यान : विषय 'निर्भयता'
आज दु. १२ वा. जवाहरलाल नेहरू सांस्कृतिक भवन, घोले रस्ता, पुणे
प्रवेश विनामूल्य

'वॉटरमार्क फिल्म क्लब' गेले काही महिने कोथरुडात सुरू आहे. त्याविषयी :

नेटफ्लिक्स आणि इतर साधनांचा सुकाळ असतानाही अनेक सिनेमे आपल्यापर्यंत पोहोचत नाहीत. देशोदेशींचे विविध प्रकारचे, विविध विषयांवरचे आणि विविध शैलींतले नवेजुने सिनेमे दाखवून आणि त्यावर चर्चा करून प्रेक्षकांची जाण वाढवण्यासाठी कोथरुडात (महात्मा सोसायटीजवळ) हा फिल्म क्लब चालू केला आहे. विविध सांस्कृतिक आणि व्यावसायिक पार्श्वभूमीचे लोक त्याद्वारे सिनेमाचा आस्वाद घेत आहेत. चित्रपटांची निवड मी करतो आहे. क्लबचे स्वरूप खाजगी आणि सभासदांसाठी आहे. सभासदत्वासाठी १८ वर्षं पूर्ण होणं आवश्यक आहे. मोठा पडदा आणि सुसज्ज ध्वनियंत्रणा वापरून HD दर्जाचे सिनेमे दाखवले जातात. आगामी सिनेमाची माहिती इमेल आणि व्हॉट्सॲपवर पाठवली जाते.

अधिक माहिती आणि सदस्यत्वाच्या फॉर्मसाठी संपर्क : 9422016044 watermarkfilmclub@gmail.com

फॉर्म भरून दिल्यावर चार सिनेमे विनाशुल्क पाहता येतील. त्यानंतर सभासदत्व शुल्क भरण्याचा निर्णय घेता येईल.
वेळ : दर महिन्याच्या विषम शनिवारी दुपारी चार वाजता
स्थळ : २६ नवविनायक सोसायटी, गांधीभवनामागे, कोथरूड. बंगल्याच्या ६०० चौ. फूट तळघरात थिएटरची सोय आहे.

सभासद होण्यासाठी वर्गणी रु. १५०० वार्षिक आणि ७५० सहामाही (जुलै ते डिसेंबर) आहे.

दर वर्षीप्रमाणे पुणे आंतरराष्ट्रीय चित्रपट महोत्सव (पिफ) जानेवारी महिन्यात होईल. ह्या वेळच्या तारखा - ९-१६ जानेवारी. ज्यांना यायची इच्छा आहे त्यांच्यासाठी ऑनलाईन नोंदणीला इथे सुरुवात झाली आहे.

किंवा हे app on Google Play Store.
Photo and Picture Resized ( by - farluner apps and games )
Quick and fast.

याच डीवेलपरचे आणखी एक app आहे फोटो क्रॉप साठी. त्यात फोटोची साईझ कमी होऊ देत नाही. हेसुद्धा लागते. इतर apps cropping करताना मूळ साईजचा विध्वंस करतात. तसे होऊ देत नाही.
PhotoCrop - Crop the Picture. ( by - farluner apps and games )

पुणे आंतरराष्ट्रीय चित्रपट महोत्सवातल्या आंतरराष्ट्रीय स्पर्धा विभागात समावेश झालेल्या चित्रपटांची यादी जाहीर झाली आहे. त्याचप्रमाणे भारतीय चित्रपट विभाग आणि व्याख्यानं वगैरे इतर कार्यक्रमही जाहीर झाले आहेत.

अधिक माहिती इथे.

पिफचे वेळापत्रक जाहीर झाले आहे. ऑस्करविजेत्या अर्जेंटिनी दिग्दर्शकाच्या चित्रपटाने उद्घाटन होणार आहे. वेळापत्रकाचे अधिक तपशील (पीडीएफ) इथे. इच्छुकांनी लाभ घ्यावा.

सध्या मुंबईत चुकवू नयेत अशी तीन-चार प्रदर्शनं सुरू आहेत. जमेल त्यांनी लाभ घ्यावा :

1. सुधीर पटवर्धन यांचं मोठं सिंहावलोकन एनजीएमए इथे सुरू आहे. ते १२ फेब्रुवारीपर्यंत आहे. अधिक माहिती इथे
2. नुकत्याच दिवंगत झालेल्या अकबर पदमसी यांचं एक छोटेखानी प्रदर्शन समोर म्युझियममध्ये जहांगीर निकोलसन दालनात सुरू आहे. ते ९ एप्रिलपर्यंत आहे. अधिक माहिती इथे.
3. 'रिदम हाऊस'शेजारच्या गल्लीत दिल्ली आर्ट गॅलरीमध्ये 'Primitivism and Modern Indian Art' हे प्रदर्शन सुरू आहे (५ फेब्रुवारीपर्यंत). अधिक माहिती इथे.
4. नलिनी मलानी यांचं प्रदर्शन भाऊ दाजी लाड संग्रहालयात ३१ मार्चपर्यंत सुरू आहे. अधिक माहिती इथे.

प्रदर्शनाची तारीख समजल्यावर सुटकेचा निश्वास सोडला असणार.
जहांगिरला सात वर्षांनी येतो/ लागतो नंबर.

आजपासून कोथरुडात यशवंतराव चव्हाण नाट्यगृहात सारंग नाट्यमहोत्सव सुरू होत आहे. तिकिटे बुक माय शो आणि नाट्यगृहाच्या तिकीट खिडकीवर उपलब्ध आहेत. अधिक माहितीसाठी महोत्सवाचे फेसबुक पान पाहणे.

लॉकडाउनच्या काळात अनेक लोक फेसबुक लाइव्ह येऊन जात आहेत. मराठीतले सध्याचे एक लोकप्रिय लेखक हृषीकेश गुप्ते सध्या ऐसीवर कोकणातल्या माणसांविषयी सदर लिहीत आहेत. त्यांचा फेसबुक लाइव्ह कट्टा येत्या गुरुवारी संध्याकाळी साडेपाच वाजता आहे. इच्छुकांनी लाभ घ्यावा.

'ऐसी अक्षरे'शी संबंधित असणारे इतिहास संशोधक शैलेन भांडारे यांचाही फेसबुक लाइव्ह कार्यक्रम काही दिवसांपूर्वी झाला. त्यांचा विषय ऐसी अक्षरे'च्या ह्या वर्षीच्या दिवाळी अंकाशी संबंधित होता. इच्छुकांनी लाभ घ्यावा : दुवा.

सध्या अनेक जण फेसबुक लाइव्ह येऊन कट्टे भरवत आहेत तसंच काही सकस आणि विधायकही उपलब्ध होत आहे. पर्यवरणतज्ज्ञ अतुल देउळगावकर आणि लेखक नंदा खरे शनिवारी फेसबुक लाइव्ह येणार आहेत.
वेळ : शनिवार ९ मे दुपारी ४
विषय : काल, आज आणि 'उद्या'
स्थळ : अतुल देऊळगावकर यांची फेसबुक भिंत

१० मे १८५७ला भारतीय सैन्यात ब्रिटिशांविरोधात उठाव सुरू झाला. त्या निमित्तानं शैलेन भांडारे पुन्हा एकदा फेसबुक लाइव्ह येणार आहेत.
विषय : Money and the "Mutiny" - Numismatic Reflections on the Great Revolt of 1857-59
वेळ : रविवार १० मे संध्या. ७:३० वा.
स्थळ : शैलेन भांडारे यांची फेसबुक भिंत

ओबरहाऊसन फिल्म फेस्टिव्हल हे जगातील सर्वात महत्त्वाच्या लघुपट महोत्सवांपैकी एक आहे. ह्या वर्षी करोनामुळे त्यांनी ऑनलाइन जाण्याचा निर्णय घेतला आहे. केवळ दहा युरोमध्ये सुमारे ३५० आंतरराष्ट्रीय दर्जाचे लघुपट पाहायची संधी आहे.
वेळ : दि. १३-१८ मे.
अधिक माहिती इथे आणि फेसबुक पानावर

माझं स्वतःचं मोजमाप - नंदा खरे फेसबुक लाइव्ह

लॉकडाऊनच्या निमित्ताने जे फेसबुक लाइव्ह कार्यक्रम होत आहेत त्यात काल अतुल देऊळगावकर यांनी लेखक महेश एलकुंचवार यांच्याशी गप्पा मारल्या. त्याचे रेकॉर्डिंग आता यूट्यूबवर उपलब्ध झाले आहे.

मराठीतील लोकप्रिय लेखक नारायण धारप यांच्याविषयी निःशुल्क कट्टा आज संध्याकाळी ४ वाजता. सध्याचे लोकप्रिय लेखक हृषीकेश गुप्ते धारपांच्या कथा, अतींद्रिय अस्तित्वं, भय यावर बोलतील आणि मग थोड्या प्रतिक्रिया, थोडी चर्चा असं ढोबळ स्वरूप आहे. अधिक तपशील इथे

Join the online seminar on "Science in Ancient India: Reality vs Myth" on 28th June (Sunday), by Prof. Soumitro Banerjee.
To participate in the seminar, please register here: https://forms.gle/oPdwkrDQrdpSNwwg7.

Professor, Indian Institute of Science Education and Research (IISER) - Kolkata, India
Date: 28th June 2020 (Sunday)
Time: 6:30 PM (IST) or 3;00PM (CEST)
Abstract: In this seminar, Prof. Banerjee will discuss the developments in various fields of science and technology in ancient India from a historical and social science perspective. He shall also emphasize how unscientific and wrong information is being spread in the name of ancient science and contrast them with reality.

To participate in the seminar, please register here: https://forms.gle/oPdwkrDQrdpSNwwg7.

We shall share the link to join the seminar to the registered participants only.

पुणे आंतरराष्ट्रीय चित्रपट महोत्सव अर्थात पिफ या वर्षी ११-१८ मार्च दरम्यान होणार आहे. त्यासाठी सभासद नोंदणी आता चालू झाली आहे (दुवा). या वर्षी काही फिल्म्स ऑनलाइन दाखवल्या जातील आणि भारतातून त्या पाहता येतील.

अधिक माहिती आणि अपडेट्स फेसबुकवर -

माहितीसाठी धन्यवाद!
स्क्रिनिंग वेळा काय असणार? नोंदणीच्या वेळा दिल्यात त्याच का? ऑफलाईन साठी त्या काळात कधीही पाहू शकणार का?
ऑफिस सुरू झाल्याने या चौकश्या.

पुणे आंतरराष्ट्रीय चित्रपट महोत्सव अर्थात पिफ या वर्षी ११-१८ मार्च दरम्यान होणार आहे. स्पर्धा विभागातील चित्रपटांची घोषणा आज झाली आहे.
आंतरराष्ट्रीय स्पर्धा विभाग -

मराठी स्पर्धा विभाग -

तसेच बेंगळुरुला biff असते का?

करोना रुग्णांची शहरातील वाढती संख्या लक्षात घेत पुणे फिल्म फाउंडेशनने ११ ते १८ मार्च दरम्यान होणारा १९ वा पुणे आंतरराष्ट्रीय चित्रपट महोत्सव पुढे ढकलण्याचा निर्णय घेतला आहे. चित्रपटगृहात होणाऱ्या महोत्सवाच्या नवीन तारख्या येत्या काही दिवसात जाहीर करण्यात येणार आहेत. ऑनलाईन पद्धतीने होणारा चित्रपट महोत्सव येत्या १८ ते २५ मार्च दरम्यान होईल, अशी माहिती फाउंडेशनचे अध्यक्ष आणि महोत्सवाचे संचालक डॉ. जब्बार पटेल यांनी दिली आहे.

पुणे आंतरराष्ट्रीय चित्रपट महोत्सव अर्थात पिफ या वर्षी ३-१० मार्च दरम्यान होणार आहे. आंतरराष्ट्रीय स्पर्धा विभागातील चित्रपटांची घोषणा आज झाली आहे -

मराठी स्पर्धा विभागातील चित्रपटांची यादी आज जाहीर झाली आहे -

त्याचप्रमाणे जागतिक सिनेमा विभागातील चित्रपटांची नावे दोन भागांत इथे आणि इथे पाहता येतील.

The story of the Live Aid 1985 concert

On the 13th of July 1985, the biggest multivenue benefit concert ever took place at the Wembley stadium, London, and the John F Kennedy stadium, Philadelphia. It was attended by 72,000 people at Wembly and 90,000 at Philadelphia. The event was seen by 1.98 billion people live on TV.
We are planning a private screening of an edited version of a two part documentary made by the BBC (Part 1: Against all odds and Part 2: Rocking all over the world) at Watermark Film club in Kothrud on the 25th of September 2022. (https://maps.app.goo.gl/Vjn3hwkrmWmQhJ3s9)

The documentary traces the story of Live Aid from its humble beginnings, a pop tune cobbled together in the back seat of a taxi, to the eve of the biggest televised event ever staged on both sides of the Atlantic. Against the background of Thatcher’s Britain, one scruffy, fading rock star — Bob Geldof — recalls how he and his motley band tried to pull off the impossible — a global televised concert, never before attempted, to save the lives of the starving millions in Africa and force the Establishment to sit up and take the problem seriously. But would it work, would the punters watch, and more importantly would they part with their cash?
The documentary throws light on how challenging it was to organize this concert with many of the big names in Rock and Pop at the time. Some behind-the-scenes hilarious details of the organization of such an event are also shown, along with key performances by great artists such as Elton John, Queen, Paul McCartney, David Bowie, U2, and others. Live Aid made a considerable impact on how future concerts were held. (For example, Queen’s performance in Live Aid is still considered one of the greatest live performances of all time by a rock band. The same appeared as the climax scene in the recently released Freddie Mercury Biopic ‘Bohemian Rhapsody’). Those who watched it at home, including Tony Blair, JK Rowling and Helen Fielding, appear in the documentary recalling the impact of this extraordinary event.
Hope you join us to reminisce about the mid-1980s, which was a great enjoyable time for our kind of music, even in Pune.
Please confirm your interest on any of the following WhatsApp numbers: 9730200711 (Avadhut Bapat), 9422016044 (Abhijit Vaidya) or Chintatur Jantu
There is a nominal charge of Rs. 100/- to take care of infrastructure and logistics.
Prior registration suggested since limited seating is available.

गोष्ट ‘लाईव्ह एड’ची

१३ जुलै १९८५ रोजी एक अचाट कार्यक्रम झाला. टीव्ही प्रसारण बाल्यावस्थेत असण्याचे ते दिवस होते. अशा काळात एकाच वेळी लंडन आणि फिलाडेल्फिया इथे दोन भव्य कार्यक्रम करून उपग्रहाद्वारे त्यांचं जगभर प्रसारण करण्यात आलं. एकूण दीड लाखांहून अधिक लोकांनी हा कार्यक्रम प्रत्यक्ष पाहिला, तर दीडशे देशांतल्या कोट्यवधी लोकांनी तो त्याच वेळी टीव्हीवर लाईव्ह पाहिला. ही जगातली पहिली एवढी मोठी चॅरिटी कॉन्सर्ट होती.

या कार्यक्रमाचं नाव होतं ‘लाईव्ह एड’. त्यामागचं निमित्त होतं १९८३-८५ सलग तीन वर्षं इथिओपियामध्ये पडलेला भीषण दुष्काळ. या दुष्काळात पाच ते दहा लाख लोक मरण पावले (भूकबळी) आणि सुमारे २५ लाख लोक विस्थापित झाले. दुष्काळग्रस्तांसाठी मदतनिधी उभा करणं हे ‘लाईव्ह एड’चं ध्येय होतं. १२७ मिलियन डॉलर्सचा निधी त्यातून उभा राहिला.

हा कार्यक्रम घडवून आणणारा उपद्व्यापी बॉब गेल्डॉफ म्हणजे एक मावळता आणि किरकोळ पॉपस्टार होता. हातात काहीही नसताना, शून्यापासून सुरुवात करून बॉब आणि त्याच्या सहकाऱ्यांनी हा कार्यक्रम कसा आयोजित केला? बीबीसीसारख्या जगन्मान्य संस्थेला त्यांनी त्यासाठी कसं भरीला घातलं? पॉप-रॉक जगातल्या बहुतांश मोठ्या स्टार्सना (त्यांचे इगो फाट्यावर मारून), साम-दाम-इ. वापरून, प्रसंगी गंडवून बॉबनं कसं राजी केलं? हा कार्यक्रम कसा पार पाडला?

ह्या प्रश्नांची उत्तरं देणारी दोन भागांची एक डॉक्युमेंटरी बीबीसीनंच पुढे तयार केली (‘Against all odds’ आणि ‘Rocking all over the world’). कार्यक्रमाची पूर्वपीठिका, प्रत्यक्षात आलेल्या अडचणी, त्यातून काढलेले धमाल मार्ग, आणि त्यातून उभा राहिलेला अचाट निधी याबद्दलची ही डॉक्युमेंटरी आहे. तत्कालीन पाश्चात्य जगातली सामाजिक परिस्थिती, पॉप स्टार्सचं वेगळं जग हेही त्यात दिसतं.

या डॉक्युमेंटरीची संपादित आवृत्ती वॉटरमार्क फिल्म क्लब, कोथरूड इथे रविवार २५ सप्टेंबर रोजी दाखवली जाणार आहे. (https://maps.app.goo.gl/Vjn3hwkrmWmQhJ3s9)
वेळ : सकाळी १०-१२:३०
देणगी मूल्य : १००₹

जागा मर्यादित आहे त्यामुळे आगाऊ नोंदणी करावी. संपर्क : अभिजित वैद्य (9422016044), अवधूत बापट (9730200711) व चिंतातुर जंतु .

मराठी पुरोगामित्वाचा इतिहास: काही मुद्दे
राहुल सरवटे
रविवार २८ मे, सायंकाळी ५ वा.
महाराष्ट्र पुरोगामी आहे असं विसाव्या शतकाच्या पूर्वार्धात शहरी मध्यमवर्ग मानू लागला. त्यामागे काही घटक प्रभावी होते. उदा. सुधारकांमुळे सांसारिक जीवनवृत्तीला मिळालेली प्रतिष्ठा, बुद्धिप्रामाण्यवादाचा आग्रह, व्यक्तिवादी आणि इहवादी राजकीय जाणिवा, आणि साहित्यात एका नव्या पार्थिव स्त्रीची निर्मिती. विशेषत: परिश्रम करणारं, लैंगिक प्रेरणा असलेलं आणि जात नावाच्या अदृश्य पाशांत बंदिस्त असणारं मानवी शरीर ह्या महाराष्ट्र पुरोगामी असण्याच्या कल्पनेच्या केंद्रस्थानी आलं. ह्या व्याख्यानात अशा बहुविध मुद्द्यांचा आढावा घेतघेत मराठी पुरोगामित्वाच्या गुंतागुंतीच्या इतिहासाचं एक आकलन सादर केलं जाईल. रविकिरण मंडळाची कविता, ना. सी. फडके आणि वि. स. खांडेकरांच्या कादंबऱ्या, ‘ओलेती’ या चित्राच्या निमित्तानं झडलेले अश्लीलताविषयक वाद, किर्लोस्कर मासिकांतून व्यक्त झालेलं पुरोगामित्व, फडके आणि जावडेकर यांच्यातला पुरोगामी साहित्याविषयीचा सार्वजनिक वाद, असे हे काही मुद्दे होत.
राहुल सरवटे आधुनिक काळातील दक्षिण आशियाच्या इतिहासाचे अभ्यासक आहेत. १८९९-१९४८ दरम्यानची आधुनिक मराठी समाजाची जडणघडण या विषयावर त्यांनी अमेरिकेतील कोलंबिया विद्यापीठात पीएचडी केली आहे. सध्या ते अहमदाबाद विद्यापीठात प्राध्यापक आहेत.
सर्वांना सस्नेह निमंत्रण.
तारीख आणि वेळ : रविवार २८ मे, सायंकाळी ५ वा.
स्थळ : वॉटरमार्क फिल्म क्लब, कोथरूड पुणे.
WhatsApp for confirmation: 9422016044
https://maps.app.goo.gl/Vjn3hwkrmWmQhJ3s9
देणगी मूल्य : १००₹

जागा मर्यादित आहे त्यामुळे आगाऊ नोंदणी करावी. संपर्क : अभिजित वैद्य (9422016044), अवधूत बापट (9730200711) व चिंतातुर जंतु .

मराठीत चित्रपट रसास्वाद शिबिर : रविवार १ ऑक्टोबर ते शनिवार ७ ऑक्टोबर २०२३ असे सात दिवसांचे शिबिर ज्योत्स्ना भोळे सभागृह, हिराबाग, (टिळक रोड) पुणे येथे होणार आहे. या शिबिराचे शुल्क रुपये ५,००० आहे; ज्यामध्ये सात दिवसांच्या शिबिरादरम्यानचा नाश्ता आणि दुपारचे भोजन याचा समावेश आहे. शिबिरामध्ये रोज सकाळी नऊ वाजल्यापासून रात्री आठ वाजेपर्यंत चित्रपट रसास्वादासंबंधी दृक-श्राव्य व्याख्याने, निवडक चित्रपट बघणे, चित्रपटविषयक चर्चा, असा भरगच्च कार्यक्रम असेल.
चित्रपट रसास्वाद शिबिरामधील काही व्याख्याते : समर नखाते, उमेश कुलकर्णी, गणेश मतकरी, अशोक राणे, विकास देसाई, राहुल रानडे, अनुपम बर्वे, अभिजित रणदिवे, संतोष पाठारे, सुहास किर्लोस्कर, दीपक देवधर आणि सतीश जकातदार.
पुण्याबाहेरील चित्रपट रसिकांची पुण्यात राहण्याची सोय नसल्यास शिबिराच्या जवळ निवासाची सोय (twin sharing basis) करता येईल, ज्याचे एकूण शुल्क रुपये ४,००० एवढे माफक असेल.
चित्रपट रसास्वाद शिबिरामध्ये सहभागी होण्यासाठी खालील नंबरवर संपर्क साधावा. त्याचबरोबर शिबिराचे शुल्क रुपये ५,००० ‘महाराष्ट्र कल्चरल सेंटर’ च्या खात्यावर जमा करावे.
Account Name: Maharashtra Culture Centre Pune
Bank Account No: 50100606709002
Bank: HDFC Bank
Branch: Narayan Peth
IFSC: HDFC0000427
शिबिराचे शुल्क GPay/Paytm द्वारे जमा करण्यासाठी QR code पाठवता येईल.
अधिक माहितीसाठी खालील नंबरवर संपर्क साधू शकता.
सतीश जकातदार | सुहास किर्लोस्कर
9822975882 9422514910

पुणे आंतरराष्ट्रीय चित्रपट महोत्सव उर्फ पिफ गुरुवार १८पासून सुरू होत आहे. वेळापत्रक व इतर माहिती महोत्सवाचे फेसबुक पान, इन्स्टा किंवा संकेतस्थळावर मिळेल.