असॉल्ट आणि सेक्शुअल असॉल्ट - परिप्रेक्ष्य

खरंतर मूळ पुस्तकच वाचण्यासारखं आहे. त्यातला उतारा काढून टंकायलाही आवडलं असतं, पण पुस्तक आता हातात नाही. सध्या स्मरणातून -

लैंगिकता, लैंगिक सुख, लैंगिक भावना या फक्त योनी आणि शिस्नापुरत्या मर्यादित नसतात. जिथे बऱ्याच जास्त चेतापेशींची टोकं असतात आणि स्पर्शाने लैंगिक सुखाची भावना होते ते सगळंच लैंगिकतेमध्ये मोजावं लागेल. लैंगिकदृष्ट्या सुखदायक बोलणंसुद्धा. वेगवेगळ्या लोकांना वेगवेगळ्या कृती आणि शब्दांमधून लैंगिक सुख मिळतं, सगळ्यांसाठी एकाच प्रकारचा साचा बनवता येत नाही.

आपल्या समाजात लैंगिकतेचा नैतिकतेशी थेट संबंध आहे.कुठल्या लैंगिक वर्तनाला तुम्ही अनैतिक म्हणणार? हे देखील सापेक्ष आहे. मला सापेक्ष म्हणताना व्यक्तिसापेक्ष, समाज सापेक्ष,कालसापेक्ष,स्थलसापेक्ष,संस्कारसापेक्ष असे सर्व सापेक्षांची सरमिसळ अभिप्रेत आहे. व्यक्तिगत आयुष्य व सार्वजनिक आयुष्य यातील सीमारेषा आपल्याकडे अस्पष्ट आहे. या सीमारेषेवर जर लैंगिकतेचा प्रश्न उपस्थित झाला तर तो संवेदनशील बनतो. त्याचे राजकारण होउ शकते. एखाद्या संघटनेतील पदाधिकारी वा राजकीय पक्षातील कार्यकर्ता यांच्या खाजगी जीवनातील अशा प्रश्नचिन्हांकित लैंगिक वर्तनाचे राजकीय/सामाजिक भांडवल कुणी केले तर त्याचे राजकीय /सार्वजनिक जीवन संपुष्टात येउ शकते.काही लोक पक्ष/ संघटना अडचणीत येउ नये म्हणुन स्वतःहून आपल्या पदाचा राजीनामा देतात तर काही लोक हा आपल्या अस्तित्वाचा लढा आहे असे समजून तांत्रिक मुद्द्यांवर लढत राहतात. थोडक्यात समाजातील लैंगिकता व नैतिकता यांचा तिढा हा असाच न सुटणारा आहे. दोन्हीचा संबंध हा शेवटी आपल्या मेंदुशी आहे.

(१) छातीस स्पर्श (यात सांस्कृतिक काय आहे, या गुन्ह्यास क्लिअर कट लैंगिक परिमाण आहे.)
(२) जवळून जाताना छातीबद्दल अचकट विचकट बोलणे (क्लिअर कट लैंगिक परिमाण आहे.)
(३) आपली रिक्षा फडक्याने पुसत असताना, अचानक मुलगी पाहून, रिक्षा स्ट्रॅटेजिकली (!) जागी अन मुलीकडे पहात हसत रिक्षा पुसू लागणे. हे मला सांगता येत नाही. पण हे सेक्श्युअलच होते.
(४) मुलगी रात्री एकटी उभी आहे हे पाहून, लाज न बाळगता , जरा आडोशाला हस्तमैथुन सुरु करणे. (क्लिअर कट लैंगिक परिमाण आहे.)

@अपर्णा - हाताबद्दल/डोक्याबद्दल अचकट,विचकट बोलल्यास तो लैंगिक गुन्हा ठरेल काय? अमुक एका अवयवाबाबत हीन बोलण्याला लैंगिक 'गुन्हा' का ठरवले जाते? मारहाणीची धमकी देणे आणि शाब्दिक छेड काढणे एकाच गुन्ह्यात का समाविष्ट होऊ शकत नाही? लैंगिक अवयवांबाबतच एवढे वेगळेपण बाळगण्याचे कारण काय असावे?

आपल्या समाजात लैंगिकतेचा नैतिकतेशी थेट संबंध आहे.कुठल्या लैंगिक वर्तनाला तुम्ही अनैतिक म्हणणार? हे देखील सापेक्ष आहे. मला सापेक्ष म्हणताना व्यक्तिसापेक्ष, समाज सापेक्ष,कालसापेक्ष,स्थलसापेक्ष,संस्कारसापेक्ष असे सर्व सापेक्षांची सरमिसळ अभिप्रेत आहे.

@प्रकाश घाटपांडे - धन्यवाद, मला ह्याच प्रकारे वैयक्तिक मत जाणून घ्यायचे होते.

@स्त्रीवादी, @पुरुषवादी, @पुरोगामी, @भांडवलशाहीवादी, @'कला'वाले @बागप्रेमी @वाग्प्रेमी @आस्तिक @नास्तिक @अ‍ॅग्नॉस्टिक @नुस्तेचठिक @मिष्टर सहमते @ठ्ठोवाले @रोचके @इग्नोरे - कृपया धाग्यातल्या विषयाबद्दल आपलं प्रामाणिक मत जरूर नोंदवा.

हा दुवा इथे कदाचित महत्त्वाचा वाटेल.

ह्या संदर्भात लैंगिक भावनेला महत्त्व येण्याचे कारण सांस्कृतिक असावे काय?

मुळात कोणत्या कृतीला गुन्हा मानावे व कोणात्या नाही हेच मुळात केवळ संस्कृती नाही तर स्थल-काल-व्यक्ती सापेक्ष असते. त्यापुढे जाऊन गुन्ह्याचा लैगिंकतेशी जोडलेला संबंध अर्थातच संस्कृती-स्थल-काल-व्यक्ती सापेक्ष असतो.

परस्त्रीकडे टक लाऊन पाहणे हे भारतात काही भागात सध्या लैंगिक गुन्हा समजला जात असेल, मात्र वेश्येकडे टक लाऊन बघण्याला तर अनेकांच्या लेखी गुन्हाच समजला जात नसावे. पुरूषाने लिंग दाखवणे अनेकदा लैगिंक समजले जाते. पण तो नियम दिगंबर साधुंसाठी समाज शिथिल करतो. भुतानमध्ये घरादारांवर लिंगाचे व्यवस्थित चित्रण असते तर भारतात शिवलिंगाची पुजा होते. अशी बरीच उदा देता येतील.

हे सर्व महत्वाचं आहेच, पण ते सर्व क्षणभर बाजूला ठेवू..

मी एक प्रश्न विचारतो.

विविध प्रकारचे कपडे (फॅशन)(मी उत्तान, तोकडे कपडे किंवा कोणतेही सजेस्टिव्ह शब्द वापरु इच्छित नाही), मेकअप, अलंकार इत्यादिपैकी एक किंवा अनेक गोष्टी ज्या स्वतःला आवडतात (आणि अर्थातच आपण त्यात सुंदर, आकर्षक, खुलून दिसतो अशी आपली समजूत असते) त्या करुन बाहेर निघताना आपण इतर पुरुषांना दिसणार हे अगदी साहजिक आहे हे मान्य असेलच असे गृहीत धरुन खालील प्रश्नः

आता पुरुषांनी तुमच्याकडे पाहणे / बोलणे / वागणे याबाबत आदर्श अपेक्षा काय आहे?

थोडक्यात विचारण्याचा प्रयत्न केला आहे. याचा अश्लील क्रिया (वरील काही प्रतिसादात असलेल्या उघड घृणास्पद क्रिया) या गोष्टीचा संबंध नाही. केवळ पाहणे / चेहरा, नजर आणि संवाद यातून प्रतिक्रिया देणे याविषयी प्रश्न आहे.

इतरांनी ते पाहू नये किंवा त्याकडे पाहून न पाहिल्यासारखे करावे असे वाटते का ?

सुंदर वाटल्यास पुरुष कलीग्जनी तसे स्पष्ट आणि सरळ शब्दात म्हणावे का?

नीटनेटके, टापटीप, आकर्षक राहिल्याबद्दल इतरांची दाद यावी अशी अपेक्षा असते का?