कौतुक कुणाचं  करावं ?कौतुक  कुणाचंही करावं 
पहिल्या पावसात चिंबलेल्या मृदगंधाचं करावं ,
न्हालेले केस झटकताना होणाऱ्या तिच्या विभ्रमांचं करावं , फेसाळत्या किंगफिशरच्या पहिल्या चरचरीत घोटाचं करावं ,
बॅट्समनला  क्रिझबाहेर खेचणाऱ्या बेदी , प्रसन्ना च्या फ्लाईट चं  करावं ,
बॅट्समनच्या पुठ्ठयामागून काटकोनात  चेंडू घुसवणाऱ्या शेन वॉर्नचं  करावं ,

अशाच या कातरवेळी
निशब्द असावा
आसमंत सारा
त्यासमयी रवि तु
क्षितिजाच्या कुशीत निजावा

रवि तुज निजवताना
वारा ही गाई झुळझुळ गाणे
ती लुकलुकणारी कोर ही
बघ तुज कथा सांगे

अशाच एका कातरवेळी
बघ. कोण पणती
त्या तुळशीसमोर लावे
मंद अश्या त्या प्रकाशात
माझा ऊर भरुन वाहे

तेव्हा दुरवर कोठेतरी
मज ऐकु येते ती किणकिणारी घंटा
'आस' लागे मनास कान्हा
तसाच ऐकु येईल का रे मज
एक दिन तुझा मधुर पावा..

-दिप्ती भगत
(९मे, २०२०)

आजतोवर वाचलास तु
हा एक योगायोग आहे
एक नजर टाक बाहेर
तुझा मृत्यु दारात रेंगाळतो आहे

भरल्यापोटीचे तुझे भुकेचे डोहाळे
काही केल्या संपत नाहीत
डोळे उघडुन बघ जरासे
गरजुंची आज दैना आहे
एक नजर टाक बाहेर
तुझा मृत्यु दारात रेंगाळतो आहे

अपेयासाठी रांगा लावुनी
काय तु कमावतो आहेस?
आज तु वाचलास परि
तु उद्याचे बुकींग करुन ठेवतो आहेस

जीवाचा आटापिटा करत
तुझ्याच हितासाठी
देव स्वतः झुंजतो आहे
तरीही क्षुल्लक कारणे देऊन
तु रस्ते धुंडाळतो आहेस

क्षणभर नजर टाक बाहेर
तुझा मृत्यु दारात रेंगाळतो आहे..