Skip to main content

कवी विरुद्ध कविता

स्वस्थता नाही जिवाला, षोक ठरला जीवघेणा
सोडुनी कवितेस सार्‍या संपवाव्या शब्दवेणा ||धृ||

सर्जनाने होत होतो वर्णनापल्याड पुलकित
होत गात्रे तृप्त अन्‌ सौदामिनीने देह उर्जित
सौख्य निमिषार्धात सरते, रिक्तता सरता सरेना ||१||

का असा छळवाद माझा मांडला आहेस, कविते?
दंश हा कसला तुझा, ज्याने विषाची झिंग येते?
पोखरे तनमन तरीही हे व्यसन सुटता सुटेना ||२||

मी किती घासू-पुसू, आकार देऊ कल्पनांना,
खेळवू दररोज ह्या न्हात्या-धुत्या पद्यांगनांना?
यापुढे उठणार नाही बाव्हळ्यांना काव्यमेणा ||३||

यापुढे, कविते, तुला शृंगारणे जमणार नाही
चंचले, दुसरा कवी बघ; मी तुला पुरणार नाही

हायकू -

१.
उत्साही माळी
मोसम पावसाळी
रोपटी चूप ..

२.
झाडाचे पान
गळते अवसान
पाला पसार ..

३.
मेघ नभात
बरसात ढंगात
मोर रंगात ..

दिवाळीतले फटाके

नुकतीच दिवाळी होऊन गेली, त्यानिमित्य लोकांनी मनसोक्त फटाके उडवून घेतले असतील. हे फटाके म्हणजे काय असतात याबद्दल कोणी विचारही केला असेल. मीही केला आणि जे जाणवले ते एका लहानशा लेखात लिहून काढले.

(अधांतर)

जुई यांची क्षमा मागूनः : मूळ कविता: अधांतर

अशीही एक अवस्था येईल
जेव्हा मी वाचेन कविता फक्त फॉर्मली

आलेला प्रत्येक धागा उघडायचा असतो म्हणून
आणि तरीही माझ्यापर्यंत 'पोचणारच' नाही
त्या कवितेचं बोलणं

अशीही एक अवस्था येईल
आपल्या जालीय नात्यात
जेव्हा
माझ्याकडे प्रतिसाद द्यायलाच काही नसेल

तुला माहितेय का?
अशीही एक 'अधांतर' अवस्था येईल

सूक्ष्मकथा - १ ते ४

सूक्ष्मकथा - १

कालच मला बायकोने विचारले की "तुला स्वत:ची आई आणि आजी सोडून
कोणत्या प्रकारच्या बायका आवडतात?"

मी उत्तरलो, "मला स्वत:च्या प्रगतीबरोबर स्वत:च्या
कुटुंबाची प्रगती साधणार्‍या बायका मला आवडतात."

वेताळ परत झाडवर जाऊन लोंबकळू लागला...

सूक्ष्मकथा - २

माझी कन्या पहिलीत किंवा दूसरीत असताना तिने मला एक शंका विचारली.

"बाबा, सगळे आईबाबा बेबीज् व्हायच्या अगोदर लग्न का करतात?"

मी दचकलो आणि विचारले, "का ग?"

कन्येने खुलासा केला, "बेबीज् व्हायच्या अगोदर लग्न केलं की
मग बेबीजना आईबाबांच्या लग्नाची गंमत एन्जॉय करता येत नाही म्हणून..."

"आर्थिक कड्या"वर उभी असलेली अमेरिकन अर्थव्यवस्था

अमेरिकन राष्ट्राध्यक्षांची निवडणूक गेल्या आठवड्यात पार पडून बराक ओबामा परत निवडून आले हा इतिहास सर्वज्ञात आहे. मात्र, इतकी मोठी राजकीय घटना घडून गेल्यानंतर अगदी लगेच एका महत्त्वाच्या कारणाकरता अमेरिकन राजकारण आणि अर्थव्यवस्था ही मुख्यत्वे अमेरिकन लोकांच्या आणि मोठ्या प्रमाणात जगातल्या आर्थिक संस्थांच्या काळजीचं आणि संपूर्ण लक्ष लागण्याचं कारण बनणार आहे.

मावशी-आजीचे घड्याळ

प्रास्ताविक :
माझ्या मनातले माध्यम आहे "स्क्रोलिंग टेक्स्ट". दूरचित्र वृत्तवहिन्यांच्या पायथ्याशी अविरत सरकत असतात, त्या लेखन-फिती. अशा अनेक ध्वनिफिती आपण समांतर वाचू शकतो, असा आपला अनुभव आहे. पण वृत्तवाहिन्यांतली ही पाठ्ये असंबद्ध असतात : एका फितीवर बाजारभाव आणि दुसर्‍या फितीवर हवामान, वगैरे. वाहिन्यांवरती दोन समांतर माहिती-धाग्यांचा एकत्र परिणाम झाला क्वचित योगायोग.

धर्म आणि नीतिमत्ता

Taxonomy upgrade extras

आज सकाळी सकाळीच ही बातमी वाचनात आली आणि पुन्हा धर्माच्या नावाखाली चाललेल्या अघोरी प्रकारामुळे तळतळाट झाला.