Skip to main content

"मी, शिल्पकार माझ्या जीवनाचा !!"

न करीशी व्यर्थ चिंता तू
ठाऊक मज सामर्थ्य माझे !

कुणाशी कसे वदावे कसे वागावे
काय केल्याने काय होईल....
हि चिंता तयास
ज्याने क्रमिला पथ दुहेरी
माझा पथ सुर्यप्रकाशाहूनही स्वच्च्छ
कण भारही किंतु तयात नाही !
नकोत सला-मशवरा मजला
ठाऊक मज मार्गक्रमण माझे !
मान्यता जगात उदंड जाहल्या
त्या प्रती जगणारे अमाप ...
मी तर अव्यक्ताचा चाहता
जी माझी कृती तीच परिणती !
का कशाचीही बाळगावी मी भीती
ठाऊक मज अंतिम ध्येय माझे !!

थोडा सा बादल... थोडा सा पानी... और एक कहानी...

'भिन्न' वाचून झालं, त्यावेळचा अनुभव अजूनही ताजा आहे. निदान आठवडाभर डोकं सुन्न झालं होतं. कशातच मन लागेना. दु:ख कसलं, तेही शब्दांत नेमकं पकडता येईना. पण रेल्वेच्या रूळांप्रमाणे समांतर सरळ रेषांत प्रवास करणार्‍या आयुष्यात अकल्पितपणे सगळं उद्ध्वस्त करून टाकणारा अपघात झाल्यासारखं वाटलं होतं... अगदी असंच काहीतरी सध्या अनुभवतो आहे. काही दिवसांपूर्वीच दिग्दर्शक सुरेश शेलार यांचे तीन लघुपट पाहिले. त्याविषयी थोडक्यात...

बर्थडे :

छिद्रान्वेषी वैतागसम्राटाची डायरी ( भाग २)

छिद्रान्वेषी वैतागसम्राटाची डायरी ( भाग २)

१ जानेवारी :
आत्ता रात्रीचे बारा वाजताहेत. सकाळपासून कालच्या पार्टीचा हॅंगओवर. म्हणजे उलट्या, मळमळ तर आहेच त्यात जुलाबही...रजाच पडली. रात्री डॉक्टरकडे जावं लागलं... नवीन कुठलीतरी स्ट्रॉन्ग औषधं दिली.. वर चारचौघांत " पिणं कमी करा" हा सल्ला. आता औषधं घेतल्यावर जुलाब बंद झालेत तर आता अंगावर रॅश आल्यासारखी वाटतेय... आणि लिहिताना खाज येतेय सर्व त्वचेवरती... म्हणजे ऍलर्जी नक्की कोणत्या गोळीची हेही आता कळणार नाही.. *** चा फोनही लागत नाहीये आता.. आता बसा खाजवत.. असा हा वर्षाचा पहिला दिवस... वै ता ग....

५ जानेवारी :

अधिक महिना

"या वर्षी दिवाळी नोव्हेंबर महिन्यात येते आहे, मागच्या वर्षी ती ऑक्टोबरमध्ये आली होती."
"ती अशीच आलटून पालटून कधी ऑक्टोबरमध्ये तर कधी नोव्हेंबरमध्ये येत असते." मी.
"ते तरी ठीक आहे, पण रमजानचा महिना तर काही वर्षांपूर्वी नवरात्रात आला होता, नंतर तो गणेशोत्सवाच्या वेळेला आला आणि या वर्षी आपल्या श्रावण महिन्याबरोबर आला आहे."
"आणि पुढच्या वर्षी तो आषाढात येणार आहे." मी.
"अलीकडे पावसाचा सुध्दा काहीच नेम राहिला नाही. यंदा सगळा आषाढ महिना कोरडा गेला आणि आता श्रावणात तो धो धो कोसळतोय्."

छायालेखक अशोक मेहता यांचे निधन

हिंदी चित्रपटसृष्टीतले एक महत्त्वाचे छायालेखक (सिनेमॅटोग्राफर) अशोक मेहता यांचं निधन झालं आहे. ते ६५ वर्षांचे होते. भारतीय समांतर चित्रपटांतल्या अनेक महत्त्वाच्या चित्रपटांत त्यांनी योगदान दिलं. काही ठळक नावं - ३६ चौरंगी लेन, त्रिकाल, मंडी, भूमिका, कलयुग, उत्सव, मिर्च मसाला, बँडिट क्वीन, इत्यादि. 'राम लखन', '१९४२ : अ लव्ह स्टोरी' अशा काही लोकप्रिय चित्रपटांचं छायालेखनही त्यांनी केलं होतं. त्यांच्याविषयी अधिक माहिती इथे मिळेल. शेखर कपूर त्यांच्याविषयी :

केंद्रीय मंत्री व महाराष्ट्राचे माजी मुख्यमंत्री विलासराव देशमुख यांचे निधन

स्त्रोतः ई-सकाळ.कॉम व लोकसत्ता.कॉम

यकृतावर शस्त्रक्रिया करण्यापूर्वी विलासराव देशमुखांचे चेन्नईतील रुग्णालयात निधन
महाराष्ट्राच्या या धडाडीच्या नेत्याला आदरपूर्वक श्रद्धांजली.

विलासरावांबद्दलची विकीवरील माहिती

सुटका (एक लघुकथा)

तो उठला, पंख झटकले, आपलं घरटं आणि त्या सभोवतालची ती दाट जंगलातली तुटकी-पडकी विहीर बघत बघत, थोडासा आळस देत तो बाहेर पडला.
सकाळी सकाळी सुंदर सोनेरी कोवळ्या उन्हाची तिरीप अंगावर घेत प्रसन्नतेने तो उडू लागला.
स्वतःच्या लाल चुटुक ओठ, हिरवे गार पंख, दिमाखदार तोरा आणि एकूणच समग्र सृष्टीत नावाजलं जाणारं रुपडं घेऊन,
आपल्याच आनंदात स्वच्छंदात गाणी गुणगुणत तो जंगलातून आला बाहेर आणि समोरच्या शेतावर झेपावू लागला.
त्याला मोठीच मौज वाटत होती. इतक्या उंचावरून माणसही मुंगीइतकी छोटिशी दिसत होती.
अरेच्च्या, पण हे मागून,....

बेसुमार -

Taxonomy upgrade extras

.
उद्या आपल्या भारत देशाचा स्वातंत्र्य दिन !

रोज आपण मारे बेंबीच्या देठापासून ओरडत आहोत..

भ्रष्टाचार - - बेसुमार
महागाई -- बेसुमार
भाववाढ - - बेसुमार
वाहने -- बेसुमार
लोकसंख्या - - बेसुमार
अनाधिकृत बांधकामे -- बेसुमार
घुसखोर -- -बेसुमार
रोगी, व्यसनी, कुपोषित -- बेसुमार
रस्त्यात खड्डे .. ! ! !

आता आपल्या देशाला स्वतंत्र होऊन इतकी वर्षे लोटली ..
"बेसुमार" म्हणून ओरडणारे..
मतदानाच्यावेळीच आपला "अबाधित मतदानाचा हक्क" विसरून -
घरातच का बरे गप्प बसून रहातात - ?