शांत सागरी कशास तीन वर्षांनंतर

शांत सागरी कशास उठविलीस वादळे? शांत सागरी कशास उठवतोस वादळे?
गायिले तुवा कशास गीत मन्मनातले? भांडुन भांड्यावर भांडे कशास आदळे?

काय हे तुझ्यामुळे पहा किती तुझ्यामुळे
देहभान हरपले गृहशांतता हरपते
युगसमान भासतात आज नाचरी पळे युगसमान भासतात क्षण एकैक त्यामुळे

होतात निरुत्तर प्रश्न
त्या तिथे अचानक जावे
शब्दांचा मांडुनी खेळ
तर्कास जरा डिवचावे

तर्काचे पडतील मोडून
मग सुघड, नेटके इमले
पडझडीत येईल हाती
शब्दांच्याही पलिकडले

तो अनवट खजिना येता
हातात क्षणार्धापुरता
मागणे अधिक ना उरते
चांदण्यात सचैल भिजता