लॉंग जाॅन सिल्व्हर दुःखी होता.

त्याचं असं झालं - ट्रेझर आयलंडहून परतीचा प्रवास करताना हिस्पॅनिओला जहाज एका बंदरात थांबलं असताना थोडेफार पैसे चोरून त्याने पलायन केलं होतं, आणि मजल दरमजल करत तो पुन्हा इंग्लंडला पोहोचला होता. आपलं पुढचं आयुष्य एखादी खानावळ चालवत व्यतीत करण्याचा त्याचा मानस होता. पण त्याला एक धक्कादायक बातमी मिळाली - त्याच्या सखीनेही पलायन केलं होतं, आणि तेदेखील सगळा पैसाअडका, दागदागिना, स्थावरजंगम मालमत्ता घेऊन. एकवेळ संपत्तीचं ठीक होतं, पण लॉंग जाॅन सिल्व्हरला समजून घेणाऱ्या त्याच्या सखीने पलायन केल्यामुळे जणू त्याच्या पायाखालील जहाज स्थिर झालं होतं.