Skip to main content

पहाटवेळ

हरिततृणांच्या मखमालीचे गार गालिचे सभोवती
अम्बरघुमटी निळीजांभळी रविकिरणे प्रकाशती
विहंग उडती काळेकरडे काव काव काकारव करती
अल्लड पोरवयाचे विभ्रम दवबिंदूही दर्शवती
प्रातःकाळी एकमुखाने गंधर्वही स्वरे गाती
एक-दोन.. क्रम (पंक्तीप्रमाणे) वाचुनी वाचक रागवती

सध्या...

बसवतो मी तुला मानाने माझ्या सिंगल काट्याच्या थ्रोनवर.
खेळतो लुटपुट लढाई तुझ्या वत्सल विशाल थॅनोसशी.
मधल्या बोटानी तुझ्या चिंब लोकशाहीला मतदान करतो.
आणि...
शनिवारच्या तप्त दुपारी लिंचिंगविरहीत राज्याची क्लांत स्वप्नं बघत असतानाच माझा एंडगेम होतो.

-नील आर्ते

भ्ऊलोक-गुड्डूभ्ऊ

।।गुड्डूभऊ।।

( या चित्रणातील गुड्डूभाऊ हे पात्र वास्तविक आहे तरी कोणत्याही काल्पनिक वा स्वप्नील पात्रास पोटदुखी झाल्यास मले 'म्याट' करू नका रे बा! तथापि अनामिकता टिकवून ठेवण्यासाठी मी काही व्यक्ती आणि ठिकाणांची नावे बदलवली आहेत. )

जेव्हा तो डेरीजवळ आहे अशी खबर लागली, तेव्हा मैदानात बेंचवर बसलेली पोरं भामट्यासारखी सैरा-वैरा पळत सुटली. पळता पळता टकल्याची स्लीपरही निसटली... ती स्लीपर तो हातातच घेऊन जोडता जोडता पळत होता...

ललित लेखनाचा प्रकार