तुझ्या कवितेची ओळ
अवचित ओठी येते
जिंदगीच्या निवडुंगा
इवलेसे फूल येते

तुझ्या कवितेची ओळ
अवचित ओठी येते
कालियाच्या डोहातून
कृष्णधून उमटते

तुझ्या कवितेची ओळ
अवचित ओठी येते
पाखराच्या लकेरीने
गचपान थर्थरते

कवितेची ओळ तुझ्या
पुन्हा पुन्हा ओठी येते
पुन्हा पुन्हा रुजूनिया
पुन्हा पुन्हा उगवते

युलियान तुविम हा पोलिश कवितेतला एक हिराच. तुविमची लेखकीय कारकीर्द विविधतेने भरलेली आहे. उछ या शहरात १८९४ साली त्याचा जन्म झाला तर १९५३ साली मृत्यू झाला. ज्यू कुटुंबात वाढलेल्या तुविमचं संपूर्ण जीवनच संघर्षमय आहे, त्यात स्वतःच्या देशाचा शोध आहे. त्यामुळे त्याची राजकीय कविता फार ताकदीची आहे तरीही त्याची कवी-प्रतिभा तिथेच थांबत नाही. बि-बा-बो कॅब्रेचा एक महत्वाचा लेखक हा आज पोलिश साहित्य क्षेत्रामध्ये सर्वोत्कृष्ट बालकविता लिहिणारा कवी म्हणून ओळखला जातो. त्याच्या लहान मुलांच्या कविता या - double audience - ची उत्कृष्ट उदाहरणे आहेत.

-----जंत-----
शुद्ध बिजापोटी फळे रसाळ गोमटी?
वृत्ती जन्मल्या आता, दावया तुका खोटी
मिथ्या मोहती जना, भाषणे भली मोठी
कणा विकुनी रतीसी, केसाने गळा घोटी
दावी संवेदना जना, तोडती मास बोटी
म्हणे वासना पाप, परी तमाखु न सुटी
दंभ दाडुनी गर्भी, साधी मधूशब्द ओठी
चढी पटावर लगबग, लंगडत हारांसाठी
सांगी गर्वाने जना, आम्ही शुक्र संतामठी
कळे कधी तयांसी, मलमूत्र ते संतासुटी
नचं व्यवहार परी ,परदुःखे सुखी होती
संघर्षात अंतरीच्या, हारूनी पेढे वाटी
प्रकाश सर्वत्र तयांचा, अंधार बुडिदेठी
अशेही उत्सरती कच्चर, जंत संतापोटी