अनेक बातम्यांबद्दल आपल्याला चर्चा करावीशी वाटते. 'ऐसी अक्षरे'वर बातम्यांवर चर्चा करण्यासाठी 'बातमी' नावाचा लेखनप्रकारही अस्तित्त्वात आहे. पण, त्याबद्दल विस्तारानं लिहिण्याइतका किंवा एखादा व्यवस्थित चर्चाप्रस्ताव मांडण्याइतका वेळ किंवा माहिती किंवा उत्साह किंवा हे सारंच नसणं वगैरे कारणांमुळे आपण चर्चाप्रस्ताव लिहीत नाही. शिवाय बऱ्याचदा 'एकोळी' / नुसत्याच लिंका देऊन धागा काढायचंही जिवावर येतं. अश्या बातम्यांसाठी ह्या धाग्याचा वापर करावा. १००हून अधिक प्रतिसाद झाल्यावर नवा धागा काढला जावा / जाईल.

____

मिसळ पाव वर ऐसी ची बरीच मंडळी बरीच रेंगाळताना दिसतात .... मिसळ पाव काय मातृसंस्था आहे का स्फूर्तिस्थान ? ( हा कोणी कुठे जावे वगैरे असले दुहेरी निष्ठा टाईप भंकस प्रश्न नसून, फक्त कुतुहूल म्हणून विचारत आहे ) च्यायला काय extreme right ऑफ extreme right मंडळींनी भरलेला ग्रुप आहे . बिचारे कोण ताम्हणकर काहीतरी लिहितात आणि लोकं तुटून म्हणजे तू टू न पडताहेत ... एखादाच कोणी मुटे उलटी fight देतोय .. जबरदस्त करमणूक ... एक कुणी श्री गुरुजी नावाच्या id " हा विषय ऐसी वर बरा दिसेल " किंवा तत्सम डाव्या हाताची बॅक हँडेड कॉमेंट मारतंय ... गंभीर करमणूक आहे. असो

एनडीए सरकार सत्तेवर आल्यापासून रखडलेले वस्तू व सेवा कर विधेयक (जीएसटी) राज्यसभेत मंजूर करून घेण्यात केंद्र सरकारला बुधवारी यश आले. राज्यसभेत सरकारकडे बहुमत नसल्यामुळे काँग्रेसशी चर्चा करून या विषयावर सहमती घडवून आणत देशासाठी अत्यंत महत्त्वाचे असलेले विधेयक राज्यसभेत मंजूर करून घेण्यात आले. हे विधेयक मंजूर झाल्यामुळे देशभरात एकच अप्रत्यक्ष करप्रणाली अंमलात येण्याच्या दृष्टीने महत्त्वाचे पाऊल पडले आहे.

यापुढे मेलेली ढोरे ओढायची नाहीत असा निश्चय दलितांनी केल्याची बातमी पाहिली. या नियमाविरुद्ध वागणार्‍याला दंडही करण्यात येणार आहे असेही त्या बातमीत होते. हा अर्थात दलित समूहाच्या आत्मसन्मानाचा निर्णय आहे आणि त्याचे मनापासून स्वागतच आहे. पण यातून अनेक प्रश्न निर्माण होतात. अर्थात त्याचा विचार दलितांनी करण्याची गरज नाही. ज्यांना विल्हेवाटीची निकड असेल ते यावर उपाय शोधतीलच. मानवेतर प्राण्यांच्या विल्हेवाटीचे बहुधा यांत्रिकीकरण होईल. पण यातही, कमीतकमी का होईना मनुष्यबळ लागेलच. खाजगी संस्था हे काम करतील तर नफ्याचे प्रमाण पुरेसे राखण्याची काळजी त्या घेतीलच.