ती त्सुनामी
सागराच्या गहनगर्भातून अवचित उमटते
तटतटा मृद्स्तंभ तिथले तोडुनी भिर्काविते
वितळणारा तप्त लाव्हा प्राशुनी मग झिंगते
गूढ अंध:कार अवघा ढवळुनी फेसाळते
थर्थरे भवताल जेव्हा ती अनावर उसळते
गाज दर्याची चराचर भेदुनी रोरावते
प्रलयतांडव ती त्सुनामी
आतले सगळे किनारी उधळुनी आक्रंदते
...साचले सांडून जाते
...घडविले उखडून जाते
...वेचले विखरून जाते
...मांडले मोडून जाते
ती त्सुनामी विप्लवी
...पण केवढे शिकवून जाते.
प्रतिक्रिया
विप्लवी चा अर्थ काय?
विप्लवी चा अर्थ काय?
कविता सुंदर आहे.
विप्लवी
विप्लवी
विशेषण
1.
क्षणभंगुर, अस्थायी।
2.
विप्लव करनेवाला।
Translate विप्लवी to
1. insurgent
2. viplavee
https://www.google.com/search?q=%E0%A4%B5%E0%A4%BF%E0%A4%AA%E0%A5%8D%E0%...
वा! नवा शब्द कळला. धन्यवाद.
वा! नवा शब्द कळला. धन्यवाद.
धन्यवाद
..शुचि, तिरशिंगराव.
सुंदरच..
सुंदरच..
...
...साचले सांडून जाते
...घडविले उखडून जाते
...वेचले विखरून जाते
...मांडले मोडून जाते
ती त्सुनामी विप्लवी
...पण केवढे शिकवून जाते.
कवितेत वाचणाऱ्याने ... च्या जागी रिकाम्या जागा भरा असे काही अपेक्षित आहे का ?
गर्दीतला दर्दी
फारच
इनोदी बा तुमी