श्यामलेचे उत्तर

राजेश, एचटीएमेल कोड पुरवल्याबद्दल धन्यवाद!

गंमत म्हणजे माझ्या http://mybolikawita.blogspot.com/ वेब्‌साइट्‌मधे मी माझ्या गंमतिका "पोस्ट" केल्या होत्या तेव्हा तुम्ही पुरवले आहेत त्याचसदृश "एचटीएमेल कोड" मी वापरले होते, पण तेच "कोड" माझी कोणतीही गंमतिका इथे "पोस्ट" करतानाही वापरले असता ती मूळ कवितेच्या (खाली असण्याऐवजी) उजव्या बाजूला सादर करण्यासंबांधितचे माझे कोडे सुटेल हे माझ्या ध्यानात आले नव्ह्ते! (ते असो, http://mybolikawita.blogspot.com/ वेब्‌साइट्‌ची आता "ऐसी अक्षरे"च्या वाचकांना जाण मिळाल्याने माझ्या गंमतिका इथे पुन्हा "पोस्ट" करण्यात अर्थात्‌ काहीएक औचित्य नाही.)

पण तुम्ही पुरवलेले कोड केवळ चाचणीकरता वापरून पाहूया ह्या विचाराने मी जेव्हा ते "कॉपी/पेस्ट" केले तेव्हा निदान ""पूर्वदृश्या"त तरी संबंधित गंमतिका मूळ कवितेच्या उजव्या बाजूला न दिसता ते कोडच मला जसेच्या तसे दिसले. समजा मी त्यानंतर "प्रकाशित" करा असे "म्हटले" असते तर गंमतिका मूळ कवितेच्या उजव्या बाजूला दिसली असती का? समजा असती तरी त्या पद्धतीत एक उणीव अशी राहिली असती की ती सगळी पोस्ट मला अगदी पाहिजे तशी अचूकपणे दिसणार की नाही ह्याबद्दल मला अगदी महत्त्वाचा संदेह राहिला असता. तर त्यासंबंधी तुम्ही तांत्रिक खुलासा केला असता तो उपयुक्त ठरेल.

आता दुसर्‍या एका काहीश्या किरकोळ विषयासंबंधी नम्रपणे लिहू का? तुम्ही लिहिले आहे - "तुम्हाला विडंबन किंवा गंमतिका फक्कड होण्याकरता काय लागतं याची जाण कितपत आहे याबद्दल मला अवाक्षरही काढायचं नाही. तुम्ही जे सादर केलेलं आहे ते फक्कड जमलेलं नाही इतकंच म्हणायचं आहे. व्यक्तिगत टिप्पणी नाही, गैरसमज नसावा." पण मी पूर्वी लिहिल्याप्रमाणे "गंमतिका" "फक्कड" जमण्याकरता त्यांमधे कोणकोणते गुण असावे लागतात ह्याची मला जाण नसल्याचे तुमच्या "त्याहीपलिकडे बरंच लागतं" ह्या शब्दसमुच्चयाद्वारे ध्वनित झाले होते आणि ते वाचून मी लिहिल्याप्रमाणे मला जरा गंमत वाटली होती इतकेच.

असो. तो किरकोळ मुद्दा बाजूला ठेवून, गंमतिकारचनासंबंधित माझ्या वैयक्तिक "कौशल्या"च्या परिमितीत http://mybolikawita.blogspot.com/ ह्या माझ्या वेब्‌साइट्‌मधल्या गंमतिका फक्कड दर्जाच्या नाहीत हे तुमचे वैयक्तिक समीक्षण तुम्ही लिहिल्याबद्दल आणि त्यानंतर एचटीएमेल कोड पुरवल्याबद्दलही, राजेश, खूप धन्यवाद!

क. लो. अ. हे वि.