Skip to main content

गावाकडच्या आठवणी अन पावसाचा सांगावा .....

उन्हाळा जसजसा संपत यायचा तसे कधी कधी आभाळ दाटून येई अन वडिलांची ओढ त्या आभाळाकडे असे. थोडे जरी झाकाळून आले तरी ते गावाकडे शेतात असणाऱ्या गडयाला फोन करत. तिकडे काय हालहवाल आहे याची चौकशी करत. पण त्यातूनही त्यांना समाधान मिळत नसे. मग ते गावाकडे असणाऱ्या त्यांच्या लहान भावंडाना म्हणजे सदाशिव काका किंवा नेताजी बाबा नाहीतर क्वचित बापूकाकांकडेही ते विचारणा करत. शेतातला गडी नानू राठोड हा अक्कलकोट तालुक्यातल्या कडबगावचा होता, त्याचं मराठी अगदी तिखट शेंगाचटणी सारखं तरतरीत आणि लवंगी फटाक्यासारखं कुरकुरीत होतं. सोलापुरात थोडा जरी पाऊस झाला तरी वडील त्याला विचारत,"काय नानू पाऊस आहे का रे गावाकडे ?".

ललित लेखनाचा प्रकार

एक्स्पर्ट केसाळ मनगट!

तो जेंव्हा कांदा बारीक चिरतो ,
योग्य आकाराची कढई निवडतो,
कांदा मोतिया रंगाचा होईपर्यंत परततो
एक्स्पर्ट,कामोत्तेजक मनगट!
वेगाने हलणारा कर्तबगार झारा

चिरलेली भाजी तो कढईत हलकेच टाकतो,
त्याच्या अंगातून झिरपत असतात
मोहक मायेचे कण .
ती मोहित होऊन पहात
राहते त्याच्याकडे , आणि मीठ
जास्त पडलेली भाजी
कविता म्हणून खाते .

----

हवा-आणि-सागर-प्रदूषणा विषयी अमेरिकेचा पवित्रा

चायना , इंडिया मोठे,
पण त्यांचे वर्तन खोटे,
काय करावे आता ?
सगळेच तलावात मुता!

शास्त्री सर्व जे फाकडे
खोटे त्यांचे आकडे
फुगवून वाढवून भीती
घालती फुकाच साकडे !

कर्ब वाढू द्या हवेत
प्लास्टिक ने तुम्बवा सागर
सर्व देवाची मर्जी, माझी
रिकामी पापाची घागर!

शंभर वर्षानंतर समजा
न्यूयॉर्क, चेन्नई बुडले
पोरे गेली वाहून, त्याने
माझे आज काय अडले?

उडवा मोठ्या गाड्या
कचरा वाढवा आता
भारत,चीन खोटे, म्हणून
तुम्हीही तलावात मुता !
---

लाकूडतोड्याची लोखंडी कुल्हाडी - कथेचा सार

लाकुडतोड्याची गोष्ट आपल्या सर्वांना माहित असेल. लाकुडतोड्याची कुल्हाडी पाण्यात पडली. लाकुडतोड्याने जलदेवतेला प्रसन्न करण्यासाठी प्रार्थना केली. जलदेवता सोन्याची, चांदीची आणि लोखंडी कुल्हाडी घेऊन वर आले. लाकुडतोड्याने लोखंडी कुल्हाडी आपली म्हणून ओळखली. जल देवता प्रसन्न झाले, लोखंडी कुल्हाडी सोबत सोन्या आणि चांदीच्या कुल्हाडी हि त्याला दिल्या.

ललित लेखनाचा प्रकार

शेवंता तेलीण ....

शेवंता तेलीण म्हणजे अजब रसायन होतं. लिंबाच्या बुंध्यागत भरल्या अंगाची ठसठशीत बाई ! गाजरासारखा रंग अन नितळ काया. अंगणात बसली तर तिच्या केळीच्या खोडासारख्या तराट गोरयापान पिंडरयाकडे जादू झाल्यागत नजर जाणारच. तटतटलेल्या पायावर रंगीत घुंगरांचे सैलसर चांदीचे पैंजण उगाच चाळा करत रहायचे अन बघणारा गपगार व्हायचा. तिच्या काजळ घातलेल्या पाणीदार मोसोळी डोळ्यात सदोदित एक आवतण असायचं. मोठ्या कपाळावर माळ्याच्या बाया लावायच्या तसा आडवा रेषेचा अन गोलाकार गंध असायचा. तिच्या उभट चेहऱ्याला तो फारच खुलून दिसायचा.

..आयुष्याला मी सौख्याचा बाजार म्हणालो..

आयुष्याला मी सौख्याचा बाजार म्हणालो.
अन दु:खाला जगण्याचा अधीभार म्हणालो

हाताने ती भरवीत होती घास कुणाला .
तेव्हा मज तू दिसलीस सुंदर फार म्हणालो.

तिने ठेवले खांद्यावर मस्तक विश्वासाने
साधा भोळा हा आपला शृंगार म्हणालो.

किती वेदना दाराजवळि दिसल्या घुटमळताना
होईल तुमचा छान इथे उपचार म्हणालो.

दु:ख म्हणाले निघताना "मज बरे वाटते"
गायब केला जुना तूझा आजार म्हणालो.

बदनामी जर यदाकदाचीत सत्य निघाली.
होईल माझा नक्की जयजयकार म्हणालो.

नियती देखील शस्त्र त्यागुनि हसुन परतली
दिसशी तू तर चतूर देखणी नार म्हणालो

स्वागत केले इथे तसेही सुमनांचे पण
काट्यांनाही मी माझा परीवार म्हणालो..

शिट्टी

भानू कुत्रं आज तळ्याकाठी एकटंच बसलं होतं. बाभळीच्या झाडाखाली आज त्याला निवांत झोप लागली होती. तसंही करण्यासारखं काही नव्हतं. बरेच दिवस जवानीचा हिसका न दाखवल्यानं खरंतर तो तुंबला होता. सोय म्हणून त्यानं डोंगरपायथ्याच्या चार-पाच कुत्र्या बघून ठेवल्या होत्या. पण सुगीचा हंगाम नसल्याने त्या विशेष दाद देत नसत.

उन्हाची तिरीप डोळ्यावर आली तसं भानू कुत्रं उलथापालथा झालं. आता पाण्यात पोहून जंगलात फेरफटका मारावा या विचाराने ते तळ्याकडं चाललं. काठावर त्याला शालन करडू दिसलं. पुढचं पाय वाकवून तळ्यातलं पाणी पीत होतं. हे शालन करडू म्हणजे रंगा बोकडची धाकली लेक. नुकतीच वयात आलेली उफाड्याची पोर.

ललित लेखनाचा प्रकार

रात्र - फसवी रात्र आणि कळंबोली नाका

रात्र कापीत बाहेर पडलो नव्या पहाटेकडे
कळंबोली नाक्यापाशी ट्रक आमचा अडे
वडा पाव, अंडा बुर्जी आधी खाऊन टाका
आणि मग भागवू चला बाकीच्याही भुका!

रात्र - फसवी रात्र आणि कळंबोली नाका
कळंबोली नाक्यावरती रात्र मारे हाका!

शादीसाठी केंव्हापन आपन तयार हुतो
टरक डायव्हरला पन पोरगी कोण देतो ?
बाप म्हणे तिचा " साला बाईकडे जातो!
आणि मग भxविच्यांना एड्स सुद्धा होतो
"

आमची साली जिंदगी रस्ता घाटामधला
जालीम रात्र सरत नाही, ट्रक पुढे ढकला
आमची पण एक दिवस उपरवाला मारेल
एका रात्री मादरxद एड्स आम्हा गाठेल!

नवे युग, नवा यज्ञ, आहुती देऊन टाका

सध्या काय वाचताय - भाग २०

कुंग फू पांडा, कमी फॉलोइंग असले तरी अवतार आणि लिजंड ऑफ कोरा यांनी शि, यिन यांग असले प्रकार बर्‍यापैकी रूढ केलेत. याव्यतिरिक्त म्हणजे फेंग शुई नावाचं फॅड काही प्रमाणात चीनी संस्कृतीबद्द्ल काहीएक पार्श्वभूमी तयार करतं. चिन्यांशी ओळख ती अशी किंवा वर्षात मान टाकणारे मोबाईल्स अशी. म्हणून मी सहज म्हणून एका बुकादाड मित्राला विचारलं, की एखादं इंट्रेस्टिंग पुस्तक सांग, फिक्शनमध्ये आणि कुंग-फू च्या रुळलेला पॅटर्नला फाट्यावर मारणारं. वेगळं पण सुरस. त्यानं हे पुस्तक सुचवलं. आणि मी नुक्तं सुरु केलेय. खाली ठेववत नाही. सविस्तर प्रतिक्रिया नंतर लिहिन.