बखर....कोरोनाची (भाग ६)

बसच्या ड्रायव्हरने नियमावर बोट ठेवून प्रवाशाला मास्क घालायला सांगितले म्हणून दक्षिण फ्रान्समध्ये एका बस ड्रायव्हरची हत्या झाली आहे.
French bus driver dies following attack by passengers who refused to wear masks

आज ड्रायव्हरला पाठिंबा म्हणून हजारो लोकांनी मोर्चात भाग घेतला -
Thousands march for French bus driver who died after attack by passengers over face masks

दक्षिण अमेरिकेत काही प्रमाणात आलेली आर्थिक प्रगती करोनामुळे थांबली आहे आणि सामाजिक घडी किती भयावह पध्दतीनं मोडली आहे हे सांगणारा एक लेख -
In Latin America, the Pandemic Threatens Equality Like Never Before

डॉ. रणदीप गुलेरिया हे AIIMSचे संचालक आहेत. त्यांच्याकडून आलेली माहिती अंमळ भीतीदायक आहे, कारण त्यांनी केलेल्या निरीक्षणानुसार व्हायरस केवळ श्वसनमार्गावरच घाला घालत नाही (आतापर्यंत तसं सांगितलं जात होतं), तर रक्तात गुठळ्या होऊन मरणाऱ्या लोकांची संख्याही बरीच आहे. कदाचित मेंदूज्वरामुळे किंवा इतर कारणांमुळे मेंदूलाही धोका संभवतो, वगैरे.

New insights on Covid, key learnings from managing it

Florida Smashes U.S. State Record Of Daily New Cases: More Than 15,200

फ्लोरिडा राज्यात एका दिवसातल्या केसेसचा उच्चांक आहे - १५०००+. तुलना म्हणून, न्यूयॉर्क शहरात (पर्यायानं राज्यात) कोव्हिड थैमान घालत होता तेव्हा दिवसाचा उच्चांक ११०००+ होता. फ्लोरिडा हा देश असता तर रुग्णांच्या संख्येत जगात चौथा आला असता - यू.एस, ब्राझिल, भारत आणि चौथा फ्लोरिडा.

मात्र राज्यपाल अजूनही मास्कची सक्ती करायला तयार नाहीत. टेक्सासच्या राज्यपालांना बुद्धी सुचली आहे. गेल्याच आठवड्यात मास्क-सक्ती सुरू झाली. आम्हांला इंग्लिश आणि स्पॅनिश दोन्ही भाषांतून एसेमेस आले; चार दिवस आधी सांगितलं मास्कची सक्ती कधीपासून आहे ते. मास्क नसेल तर २५० डॉलर दंडही आहे.

आणि उदारमतवादी माध्यमांमध्ये सतत चर्चा आहे की मध्यवर्ती नेतृत्वाचा अभाव असल्यामुळे अजूनही कोव्हिड आटोक्यात आलेला नाही.

आता भाज्या विकणे बंद करून तेरा दिवस झाले,आणखी सहा दिवस बाकी. कधी विक्री होणारा भाग बंद तर कधी ज्या भागातून भाजी येते तो नगर, जुन्नर ,शहापूर, कर्जत भाग बंद असा मारा आहे. छोट्या पिकअप मधून काही जण माल आणतात तेवढीच आवक.

जपानी संस्कृतीत असं काही तरी आहे का, ज्यामुळे त्यांना कोव्हिडला तोंड देणं अधिक सोपं जात असेल? गिरीश शहाणे यांचा लेख -
Why we can't emulate Japan in our fight against covid-19

ऑक्सफर्ड आणि इतरांच्या लस शोधण्याच्या प्रयत्नांचा आढावा (भारताचे नावही यात नाही) -
Oxford coronavirus vaccine: Does it work? And what happens next?

शेखर गुप्ता सांगतोय. ज्या स्विस शास्त्रज्ञाच्या लेखावर हे आधारित आहे तो लेख -

Coronavirus: Why everyone was wrong (The immune response to the virus is stronger than everyone thought) - Beda M Stadler

हे खरडफळ्यावर टंकण्यासाठी सुरुवात केली. मग लक्षात आलं, इथे लिहिलं नाही तर अबापट चिडतील.

(संदर्भ - अमेरिकेतल्या जॉर्जियाच्या राज्यपालानं हुकूम काढला की जॉर्जिया राज्यातल्या शहरांना मास्क-सक्तीचे हुकूम काढता येणार नाहीत. स्वतः मास्क-सक्ती केलेली नाहीच.)

कधी नव्हे ते मला ग्रेग ॲबटबद्दल दोन बरे शब्द बोलता येतील. (संदर्भ - जॉर्जिया आणि टेक्सास ह्या दोन्ही राज्यांत, ट्रंपच्या, रिपब्लिकन पक्षाचं बहुमत आहे.)

ॲबट टेक्सासचा राज्यपाल. ह्यानं दोनेक आठवड्यांपूर्वी फतवा काढून मास्क-सक्ती केली. तीही गंमतच आहे असं म्हणायची वेळ आली. गेल्या विकेण्डला न-मॅनेजर पोर्ट अरान्सासला गेला होता - उन्हाळ्याची सुट्टी, समुद्रकिनारा, बीच आणि गाडी चालवत ४-५ तासांवरच आहे. तिथे म्हणे, करोना ही लिबरल कन्स्पिरसी आहे, अशी हवा होती. गाड्यांवर असले झेंडे. लिबटार्ड वगैरे शब्द. हे दोघं नवरा-बायको चिंतेत आठ वर्षांच्या मुलाला काय दाखवायचं आणि त्याच्यापासून काय लपवायचं. पाच दिवसांजागी दोन दिवसांत, सुट्टी घरीच घालवण्यासाठी परत आले.

त्याचे शब्द - Port Aransas is an epicentre of calling corona virus as a libetard conspiracy!

मग मी विचारलं, अरे पण राज्यपालाचा हुकूम आहे वगैरे.
तर म्हणे, हुकूमाची अंमलबजावणी कुणी केलीच नाही तर काय घेणार!
मीही काय म्हणणार? मी भारतातच लहानाची मोठी झाल्ये!!

रुस्की चोरांनी म्हणे करोनाची लस चोरायचा प्रयत्न केलाय.
Coronavirus: Russian spies target Covid-19 vaccine research

ह्याबद्दल ट्रंपतात्या काही म्हणतात का, म्हणाले तर काय म्हणतात बघायचं!

इथून पुढे टाळेबंदी करावी का? टाळेबंदीने होणारा फायदा आणि होणारे नुकसान याचा ताळेबंद कुणी मांडला आहे का?

कोविड : आता लॉकडाउनपेक्षा लोकांना स्वच्छतेच्या सवयी लावण्यावर भर द्यायला हवा.
https://www.aksharnama.com/client/article_detail/4423

हे उद्दिष्ट म्हणून चांगलं आहे पण हे उद्दिष्ट साध्य होईपर्यंत जो प्रसार होईल त्याचं काय करावं ?

देशातील करोना रुग्णसंख्येने ओलांडला १० लाखांचा टप्पा, महाराष्ट्रात सर्वाधिक रुग्ण

दुसऱ्या धाग्यावर प्रतिसाद दिला पण इथे पाहिजे हे लक्षात आलं.
अगदी जवळचे उदाहरण आहे.

बायकोचे एक नातेवाइक भाऊवहिनीला झाला आहे. ( ८० आणि ७३ )
मार्चपासून भाउंना घराबाहेर जायचे नाही असा वहिनीचा सज्जड दम होता.
जवळच्याच दुकानातून ,भाजीवाल्याकडून खरेदीसाठी वहीनी बाहेर पडत असे.
वहिनीला पंधरा दिवसांपूर्वी खोकला आणि दम लागू लागला होता.
जवळच्याच मनपा हॉस्पिटलांत एक्सरे वगैरे काढून नक्की झाले. भाऊंनाही आहे हे तपासणीत समजले आहे.
"घरातच राहा, हॉस्पीटलात जागा नाही." सांगितले. मनपा डॉक्टर घरी येऊन बी कॉम्प्लेक्स देऊन गेले. नेहमीच्या डॉक्टरने प्रोटिनेक्स पावडर आणि सूप घ्यायला सांगितले आहे.

आता दोघांशी फोनवर बोलतो. विडिओ कॉल नको सांगितले.

म्हातारपणी आजारपण, मुले जवळ असूनही सेवा ,मदत न करता येणे याचे फार दु:ख वाटते.
मुलगी गावातच आहेत. ती,जावई डबा देतात. दारातच डबा ठेवून येतात.

"राया तुम्ही गप्प घरात बसा" जनजागृती करणारी कोरोना स्पेशल लावणी (सौजन्य : श्री. विनय गुप्ते, कोल्हापूर)

एमआयटी विद्यापीठातील काही संशोधकांच्या मॉडेलनुसार लस किंवा औषध उपलब्ध न झाल्यास भारतात २०२१मध्ये रोज २.८७लाख नवे कोव्हिड रुग्ण आढळू लागतील -
India may become worst-hit, record 2.87 lakh Covid cases daily by 2021: MIT study

मूळ पेपर इथे

https://www.bbc.com/news/world-asia-india-53485039 च्या या बातमीनुसार दिल्लीत केलेल्या सॅम्पल सर्वे अनुसार चारातील एक जण कोव्हिड होऊन बरा झाला आहे.
याचा अर्थ असा घ्यावा का?
1. पॉझिटिव केसेस ५० ते ६० लाख
2. 99% asymptomatic
3. नगण्य मृत्युदर
4 इतका लॉकडाऊन अनावश्यक होता

या हिशोबाने हा रोग साध्या फ्ल्यू पेक्षा किती भयानक ठरतो?

न्यू झीलंडमध्ये विनामास्क आणि विना सोशल डिस्टन्सिंग लोकांना रग्बीचा सामना पाहायला परवानगी दिली आणि २०,००० लोकांनी सामना पाहिला.

भारतात येवू नका सध्या पण निदान आशिया मध्ये तरी या

श्रीलंका,पाकिस्तान,बांगलादेश,भूतान,चीन ह्या देशात काय covid19 नी धुमाकूळ घातला आहे त्याची नोंद घ्या.
युरोप ,अमेरिका स्वतः ची काळजी घेण्यास सक्षम आहेत.
बांगलादेश मधील 60 percent लोकांमध्ये अतिप्राचीन मानवाचं जीन्स आहे त्या मुळे ते बाधित होवू शकत नाहीत असा पण निष्कर्ष आहे.
पण तुम्ही यूरोप सोडल्या नंतरच च लक्ष जाईल.

संख्याशास्त्र हे ज्योतिषशास्त्रासारखं आधारित शास्त्र असावं.
कारण -१) प्रथम काही आडाखे आणि गृहितकं आ्णि साम्पल्स घ्यावी लागतात.
मग २) ती खरी धरून पुढची गणित़ं करतात.
मग ३) निष्कर्ष.

क्रमांक (१) चुकल्यास पुढचे ढासळते.

साबण म्हणजे सोडियमचा तेलाशी संबंध होऊन तयार झालेला लगदा. तो पाण्याचे आणि तेलाचे कण दोघांनाही धरू शकतो आणि मळ सोडवतो.
आता साबण विकायचा तर कोणता वास आणि कोणता रंग कोणत्या भागातल्या लोकांना कोणत्या नावाने भुलवेल हे गृहितक जमलं की साम्पल सेट गोळा करून खप वाढवता येतो.
( जाहिरातीत कोणत्या कपड्यातील कोणत्या वयोगटातील कलाकार लागतील हा आणखी एक पैलू.)
???

करोनाचा प्रादुर्भाव रोखण्यात व्हिएतनामला चांगलंच यश मिळालं होतं (आतापर्यंत ४०० केसेस आणि एकही मृत्यू नाही). मात्र, अनेक महिन्यांनंतर अचानक चार नवे रुग्ण आढळल्यामुळे त्यांनी एक शहर सील केलं आहे आणि बाहेरून तिथे आलेल्या तब्बल ८०,००० लोकांना शहरातून परत धाडलं आहे (आपापल्या गावी ते १४ दिवस क्वारंटाईन होतील बहुतेक). सविस्तर बातमी -
Vietnam alarm after first cases in months

Submitted by शरद गाडगीळ on गुरुवार, 30/07/2020 - 12:23.
काल आमच्याकडे इमारतीत सर्वांना तपासण्यात आले.
( आक्सीमिटर आणि कपाळाचे तापमान.) जे लोक कामावर जातात - बँकवगैरे त्यांना हाइड्रोक्सिक्विनोलीनच्या दहा गोळ्या दिल्या.
" काय झालं?"
"तळमजल्यावर एकाला झाला म्हणून पाहायला आलो. पण त्या घरातल्या तिघांचे आता रीडिंग ठीक आहे।"
-------
आज त्यांना विचारलं. ( घरात तिशीचा तरुण, त्याची बायको आणि मुलगा तीन वर्षांचा. बापाला झालाय)
"कधी कुणाला झालाय करोना?"
"साधारण १५ जुलैनंतर थोडा खोकला होता. ताप आल्यावर मुलुंडच्या एका खासगी ल्याबशी संफर्क केला. २७ तारखेला सोमवारी इथे डोंबिवलीत घरी येऊन साम्पल्स नेली. तीन हजार रुपये घेतले. बुधवारी स्थानिक डिपार्टमेंटला निरोप गेला की अमुक ठिकाणी बाधित आहे. तिथले लोक काल इमारतीत सर्वांची तपासणी करायला आले."

"कशामुळे झाला असेल?"
"मुंबईत कुठे आठवड्यात एकदा ओला ट्याक्सीने जात होता. "
"त्यास एका खोलीत ठेवले आहे."

.
-----------------
त्याचा इलेक्ट्रिक वायरिंग कॉन्ट्रॅक्ट धंदा आहे. सध्या बंद आहे.
बंदिस्त ट्याक्सी संसर्गाला कारण होत असावी का?

---------------
घराच्या दरवाजावर काही पाटी/ सूचना लावलेली नाही.
Submitted by शरद गाडगीळ on गुरुवार, 30/07/2020 - 12:23.
________________________________
गेटाला फलक लावला संध्याकाळी. करोनाक्षेत्र. बांबू लावले.
आता फवारणी केलीय जिन्यावर.

ऑस्ट्रेलिया आणि हाँगकाँगमध्ये पुन्हा नव्या केसेस सापडू लागल्या आहेत -
Australia sees record daily case rise as global infections pass 17m

झिम्बाब्वेमध्ये पीपीई किट्स आणि इतर सामग्रीच्या अपुऱ्या पुरवठ्याविरोधात नर्सेस संपावर आहेत. त्यामुळे हरारेच्या मध्यवर्ती हॉस्पिटलमध्ये काल रात्रीत सात अर्भकं जन्माआधीच मृत झाली.
Coronavirus: Seven Zimbabwe babies stillborn in one night at hospital

जानेवारी महिन्यात डायमंड प्रिन्सेस हे जहाज आणि त्यावरचा कोव्हिडप्रसार गाजला होता. महिन्याभरात जहाजावर ७०० रुग्ण आढळले होते. आता शास्त्रज्ञांनी त्याचा अभ्यास करून निष्कर्ष प्रकाशित करायला सुरुवात केली आहे. ऑफिस-शाळा आणि इतर बंद जागांत व्हायरस कसा पसरतो ह्याविषयी त्यातून सखोल माहिती मिळेल अशी अपेक्षा आहे.
Aboard the Diamond Princess, a Case Study in Aerosol Transmission

करोनाविरोधात लस शोधून काढण्यात जग गुंतलेलं आहे. त्याविषयीच्या काही ठळक घडामोडी -

निवडणुकीच्या आधी लस बाजारात यावी यासाठी ट्रम्प धडपड आणि कदाचित तडजोडी करतो आहे?
Scientists Worry About Political Influence Over Coronavirus Vaccine Project

रशियामध्येही (पुरेशी पारदर्शकता न दाखवता आणि पुरेशा चाचण्या न घेताच) लसीकरण लवकरच सुरू होणार असे दावे केले जात आहेत -
Russia Sets Mass Vaccination for October After Shortened Trial

दरम्यान, भारतात सीरम इन्स्टिट्यूटला ऑक्सफर्ड विद्यापीठाच्या लसीसाठी फेज-२ आणि फेज-३ क्लिनिकल ट्रायल्ससाठी परवानगी मिळाली आहे
DCGI nod to Serum Institute of India for phase 2 and 3 human clinical trials of Oxford vaccine candidate

आज न्यू यॉर्क टाइम्सनेदेखील पुण्यातल्या सीरम इन्स्टिट्यूटची दखल घेतली आहे -
Indian Billionaires Bet Big on Head Start in Coronavirus Vaccine Race

क्षयामुळे जगभरात १५ लाख लोक दर वर्षी मरतात. सध्याच्या कोरोना महासाथीमुळे सगळीकडच्या आरोग्यसेवेचे प्राधान्यक्रम बदलले आहेत. अशा काळात क्षय, मलेरिया आणि एड्सकडे दुर्लक्ष होत आहे. उदा. जगभरातले २७% क्षयरुग्ण भारतीय असतात. मात्र ह्या वर्षी भारतातल्या रुग्णांचं निदान ७५% कमी झालं आहे, कारण निदान करण्यासाठी रुग्ण येत नाहीत किंवा ते येऊ शकत नाहीत.
‘The Biggest Monster’ Is Spreading. And It’s Not the Coronavirus.

काल भारतात ८१० मृत्यू आणि ५०,६२९ कोव्हिड रुग्ण सापडले. या बाबतीत काल आपला जगात पहिला नंबर होता.
Why won't India admit how Covid-19 is spreading?

भारतात करोनामुळे होणाऱ्या मृत्यूंची संख्या प्रत्यक्षात अधिक आहे, पण अधिकृतरीत्या कमी दाखवली जाते आहे असं अनेक लोक म्हणतायत, पण म्हणजे ती नक्की किती असावी यावर बांधलेले काही अंदाज आणि त्यांचं विश्लेषण -
From COVID19 pandemic to epidemic of spurious analysis

शरद पवार यांनी केलेल्या आवाहनाला साखर कारखान्यांनी प्रतिसाद दिला आहे. साखर कारखानदारांनी तातडीने १०० खाटांचे कोविड रुग्णालय सुरू करण्याची तयारी दर्शवली आहे. कोल्हापूर जिल्ह्यातील २३ साखर कारखान्यांच्या माध्यमातून आगामी काळात २,३०० करोना रुग्णांची सोय होणार आहे.
पवारांचे आवाहन; साखर कारखान्यांनी पहिल्यांदाच घेतला 'हा' मोठा निर्णय!
कोल्हापूर: साखर कारखाने सुरु करणार कोविड केंद्र

पुण्यातील १८०० लोकांचा सीरो सर्व्हे येऊ घातलाय...
Results of Pune’s first sero survey to be out next week

आजच्या लोकसत्तामध्ये निवृत्त न्या. नरेंद्र चपळगावकर यांच्या प्लेगच्या साथीतल्या आठवणी आल्या आहेत -
साथीच्या वस्तीतली स्मरणचित्रे

त्यातला हा भाग रोचक वाटला. हे काय असावं?

प्लेगच्या लशीबरोबरच ‘शिजलेला मांसरस थोडासा शरीरात घालावा लागतो’ अशी नोंद करून त्यालाही आपला विरोध नाही, फक्त सक्तीला आहे, असे टिळकांनी म्हटले आहे. मांसरस शरीरात लसीबरोबर घालणे ही गोष्ट कदाचित आजच्या प्लाझ्मा थेरपीची पूर्वज असावी. ते अर्थात तज्ज्ञच सांगू शकतील.

भारताने ५०,००० मृत्यू आणि २५ लाख बाधितांचा आकडा गाठलेला आहे. (स्रोत : वर्ल्डोमीटर)

कोरोना येता दारी..... (कोथरूडमधील एका सोसायटीतून साभार...)
ही फक्त मनुष्य स्वभावाची निरीक्षणे आहेत, चांगले वाईट लेबल कोणावर लावायचे नाहीये. लोकांचा इन ऑल रुग्ण असलेल्या घराकडे पाहायचा दृष्टिकोन इतकेच या निरीक्षणांचे महत्व.

तर. ..संध्याकाळी सोसायटीत एकानी फोन करून त्यांच्या घरची बातमी दिली - त्यांची पत्नी पॉझिटिव्ह निघाली. (त्यांच्याकडे आणि आमच्याकडे एकच बाई काम करतात. )
संध्याकाळी त्यांनी बिल्डिंग ग्रुपवर हा मेसेज टाकला, अँड hell broke लूज.
बिल्डिंग ग्रुपमध्ये तरी सगळ्यांनी सपोर्टीव्ह मेसेज टाकले, पण प्रत्येकाचे डिफेन्स मेकॅनिझम काम करायला लागले.

बिल्डिंगमधली एक लहान मुलगी माझ्या घरी खेळायला आली होती , तिला तडक घरी बोलावण्यात आले, कारण रुग्णाची आणि आमची बाई एकच आहे.

बायकांच्या ग्रुप वर बायकोला आडून आडून "ती" बाई बंद करायच्या सूचना देऊन झाल्या.
एका दुसऱ्या उत्साही महिलेने, बाई-२ (जी आमची आणि त्यांची कॉमन आहे) तिला पण सुट्टी देऊन टाकली असे सांगून टाकले.
बाई-२चा घरी फोन, त्या वहिनींनी सुट्टी दिली, तुमच्याकडे यायचं का? विचारायला.

आपली बिल्डिंग सेफ आहे, गणपती साठी बिल्डिंगमध्ये सगळ्यांकडे जायला काही हरकत नाही असे म्हणून वहिन्यांनी केलेले सगळे प्लॅन ढासळले. आता नो गणपती hopping.

काल संध्याकाळी रुग्णाचा मुलगा आणि त्याचा ग्रुप गच्चीवर भेटला होता, त्या मुलांच्या आया टेन्शनमध्ये.

आमच्या ३ बिल्डिंग एका कम्पाउंडमध्ये आहेत, आठवड्यातून एकदा एक भाजीवाला टेम्पो घेऊन येतो, तो दिवस आजचा होता. आमच्या बिल्डिंगीत रुग्ण "सापडल्याची" बातमी दुसऱ्या बिल्डींगीत पोहोचल्यावर त्यांनी या भाजी सेशनला येणार नाही म्हणून कळवले.
ज्या बिल्डिंगच्या समोर टेम्पो उभा राहतो त्यांनी , हवे तर तुमच्या बिल्डिंगसमोर उभा करा टेम्पो, आमच्या बिल्डिंगसमोर गर्दी नको असा स्टँड घेतला.

आज सोसायटी सॅनिटाइझ करायला वेंडर येऊन कोटेशन देऊन गेला. त्याच्याशी बोलल्यावर हा सगळा दिखाऊ प्रकार आहे हे जाणवले.

त्यांचा माणूस गच्चीपासून खालपर्यंत ते सोल्युशन स्प्रे करत येणार. त्याने आत्तापर्यंत असलेले (असलेच तर) इन्फेक्शन जाईल, पण मोलकरणी, ड्रायव्हर्स इतर लोक यांची फ्री ये जा चालू असताना या सॅनिटायझेशनचा कितपत इफेक्ट राहणार? (नॉर्मल केस मध्ये १० तास राहतो म्हणाला तो माणूस)
शेवटी लोकाग्रहास्तव त्या माणसाला रविवारी बोलावलंय.

कोरोनाच्या सरत्या काळात ( आणि रुग्ण सगळी प्रोसेस सिरिअसली फॉलो करणारा माणूस असताना) लोक इतकी दहशत घेतायत की peak एप्रिल मे मध्ये लोक शॉक मध्येच जात असतील.

वेगवान टेस्टिंग करता यावं म्हणून काही इस्राएली शास्त्रज्ञ वेगळं अल्गॉरिदम वापरून पाहत आहेत -
For Quick Coronavirus Testing, Israel Turns to a Clever Algorithm

विक्रमी वाढ! देशात २४ तासांत ६९ हजार करोनाबाधित; एकूण रुग्णसंख्या ३० लाखांच्या उंबरठ्यावर

१६ दिवसात आढळले १० लाख रूग्ण; भारतात अमेरिका, ब्राझीलपेक्षाही रुग्ण वाढीचा वेग जास्त

अनलॉक-३ : प्रवासी व माल वाहतुकीवरील बंदी हटवा; केंद्राचे राज्यांना आदेश

गणपतीसाठी कोकणात गावी गेलेल्या व्यक्तीकडून -
इ-पास काढला, स्वतःची गाडी घेऊन गावी गेलो. गावी गेल्यावर इ-पास दाखवला, पोलीस ठाण्यात, ग्रामपंचायतीत रजिस्टरमध्ये नोंदणी झाली. त्यांनी १४ दिवस क्वारंटाईन व्हायला सांगितलं. गावातल्या घरी आम्ही घरातच आहोत, आमच्या सगळ्या गरजा घरात भागतात. फक्त गणपती आणण्यापुरते बाहेर जाऊन आलो. पण गावातले ओळखीचे लोक भेटायला येतात, देवदर्शनाला येतात. त्यांना घरात घ्यायचं नाही असं करून चालणार नाही, त्यामुळे क्वारंटाईन असून नसल्यासारखं.

करोना कोळीगीत
साभार : व्हॉट्सॲप

ऐ वैवै हा चीनमधला विख्यात कलाकार विविध माध्यमांत काम करतो. सध्या सरकारविरोधामुळे त्याला चीनबाहेर राहणं भाग पडलं आहे, पण त्याची जोडीदार मूळची वुहानची आहे, त्यामुळे वुहानमध्ये काय चालू आहे याविषयी त्याला कुतूहल होतं. दुरून लोकांना मार्गदर्शन / दिग्दर्शन करून त्यानं वुहानमधल्या परिस्थितीविषयी एक माहितीपट तयार केला आहे. त्याबद्दल -

From Ai Weiwei, a Portrait of Wuhan’s Draconian Covid Lockdown

'टाइम'मध्ये आलेला हा लेख मोठ्या प्रमाणात पुण्यातली उदाहरणं आणि फोटो वापरतो -
How the Pandemic Is Reshaping India

कसबा गणपती पुण्यातील मानाचा पहिला गणपती असतो. या करोनाग्रस्त गणेशोत्सवात मांडवापुढे शुकशुकाट आहे.

१. जादवपूर विद्यापीठातील शिक्षकांनी एका दिवसाचा पगार देऊन विद्यार्थ्यांच्या मोबाइल, डेटा पॅकसाठी पैसे जमवले. त्यामुळे सुमारे ८०० गरजू विद्यार्थ्यांना ऑनलाइन वर्गात सहभागी होता येईल. सर्वेक्षण करून, विद्यार्थ्यांच्या गरजा समजून घेऊन ६०० शिक्षकांनी मिळून १० लाख रुपयांची वर्गणी काढली. सप्टेंबरमध्ये ऑनलाइन वर्ग सुरू होतील.
२. दुसऱ्या एका शिक्षणसंस्थेत एका शिक्षकाविरुद्ध लैंगिक छळाची तक्रार विद्यार्थ्यांनी केली होती व सुनावणी सुरू होती. लॉकडाउनमुळे शिक्षणसंस्था बन्द झाल्या तेव्हा सुनावणी बंद पडली ती बंदच, तक्रारदार विद्यार्थ्यांपैकी अनेक पास होऊन बाहेर पडले. शिक्षक आनंदात आहे.

सायकलिंग जगातली विख्यात तूर द फ्रान्स ही स्पर्धा मुळात २७ जूनला चालू होणार होती. करोनाव्हायरसमुळे ती पुढे ढकलली गेली आणि आता उद्यापासून सुरू होईल. संसर्ग रोखण्यासाठी प्रत्येक टीमला विलग करून ठेवले आहे आणि अर्थात त्यांच्या नियमित चाचण्याही केल्या जात आहेत. प्रसारमाध्यमं आणि प्रेक्षकांवरही निर्बंध आहेत. अधिक माहिती -
Tour de France 2020: How does the Tour avoid Covid-19?

भारतात रुग्णवाढीचा जागतिक उच्चांक

भारतात गुरुवारी रुग्णवाढीचा जागतिक उच्चांक नोंदविण्यात आला. देशात गेल्या २४ तासांमध्ये ७५,७६० रुग्ण आढळले. जगात सर्वाधिक रुग्णसंख्या असलेल्या अमेरिकेच्या एका दिवसातील रुग्णवाढीपेक्षा ही संख्या अधिक आहे.

अगदी लक्षणेसुद्धा न जाणवणे इथपासून झटपट मृत्यू इथपर्यंत अत्यंत बेभरवशाची "आऊटकम रेंज" असल्याने आणि अगदी सौम्य लक्षणे होऊन बरे झालेल्या लोकांतही लॉन्ग टर्म हानी (फुप्फुसे, हृदय इत्यादि सिस्टम्सना) याबद्दल पुढे येणारी निरीक्षणे यांमुळे हा आजार घातक बनला आहे.

आदमी छे, गोली तीन, क्लिक- बचगया साला, क्लिक- ये भी बचगया अशा टाईपचं आहे. ..

आत्ताच घडलेली घटना. स्थळ : केडगाव, पुणे
वर्कशॉप मध्ये संध्याकाळी एक क्रूजर आली. ड्रॉयव्हर पाणी घ्यायला उतरला. ओळखीचे गृहस्थ होते. त्यांनी मला एक श्री xxxx हॉस्पिटल चे एक प्रिस्क्रिप्शन दिले. ते त्यांच्या 65 वर्षांच्या आईचे होते. त्यावर दहाएक औषधं/गोळ्या होती/होते.
त्यांनी विचारलं हे kovid 19 काय लिहिलं आहे? त्यावर kovid 19 negative असं स्पष्ट लिहिलं होतं. त्यांनी सांगितले की त्या हॉस्पिटलने नुमोनियाचे उपचार केलेले होते. झालं असं होतं कि काल रात्री दीड वाजता त्याच हॉस्पिटल मध्ये गृहस्थाच्या 70 वर्षीय वडिलांचा न्यूमोनिया ने मृत्यू झालेला होता म्हणून त्याने तिथेच ऍडमिट असलेल्या आईला रुबीमध्ये हलवलं होतं. आणि नुकतंच तिला तिथे ऍडमिट करून तो घरी जाता जाता वर्कशॉप वरती आलेला होता.

रडत रडत तो त्याची धावपळ सांगत होता. त्याचे सांत्वन करून त्याला धाडून दिले.

थोड्यावेळापूर्वी म्हणजे तो गेल्यानंतर दोनेक तासांनी त्याची आई निवर्तल्याची बातमी कळली.

थोडक्यात कळलेली सगळी कथा : आई वडील दोघेही मधुमेही होते. जावई मुंबईला PSI आहे. त्याला आणि त्याच्या बायकोला म्हणजेच या मृत्यांच्या मुलीला कोरोनाबाधा झाली. मुलीवर जीव असणारे आईवडील मुंबईला त्यांच्या भेटीला गेले. तिकडून आल्यावर तेही लगेच आजारी पडले. साताठ दिवस अंगावर काढून शेवटी श्री. xxxx हॉस्पिटल मध्ये दाखल झाले. तिथे न्यूमोनियाचे त्यांचे उपचार सुरु असताना काल वडिलांचा मृत्यू झाला. बिथरलेल्या मुलाने आईला रुबीला आज दुपारी दाखल केले आणि ती ही संध्याकाळी गेली.

श्री xxxx हॉस्पिटल मध्ये बरेच लोक "न्यूमोनिया" साठी उपचार घेत आहेत. कारण लोकांना 14 दिवसांचे quranatine, कोविडग्रस्त म्हणून समाजापासून आणि कुटुंबापासून "विलग" व्हायचे नाही, शिवाय सरकारी हॉस्पिटलमध्ये होणारी "हेळसांड"सुद्धा टाळायची आहे.

करोना लोकगीत
साभार : व्हॉट्सॲप

कोविड काळात रस्त्याने जाताना वा दुकानांत, दुकानासमोरच्या रांगा यातील माणसांच्या मास्क बद्दल :
बहुतेक लोक मास्क लावतात, पण कित्येकांच्या नाकावरुन तो अर्धवट वा पूर्णपणे खाली सरकलेला असतो. नाकाची भोके अर्धवट दिसत असतील तर त्या मास्कचा काय फायदा ?
तसेच, मोबाईलवर बोलणारी तरुण पिढी, सर्रास मास्क हनुवटीवर सरकवून मोठ्यांदा बोलत असते. खोकला आला तर मास्क खाली करुन खोकतात.
दवाखान्याच्या वेटिंग रुममध्ये आलेले ज्येष्ठ नागरिक, मास्क बाजूला करुन रुमालाने सर्व चेहेरा, डोळे पुसतात आणि मग मास्क पूर्ववत चढवून, समोरच्या व्यक्तीकडे संशयाने पहात रहातात.
ही निरीक्षणे पुण्यातील आहेत हे सांगायला नकोच!

पुढील प्रतिसाद इथे द्यावेत.