Skip to main content

पानी आनाया जावू कशी

पानी आनाया जावू कशी

हांडा घेतला बादली घेतली घेतली ग बाई मी कळशी
पन पानी आनाया जावू कशी मी जावू कशी? ||धृ||

दुसरी स्त्री: का गं आसं काय म्हनतीया?

आगं विहीर कोरडी, हापसा तुटका
नाला भाकड, नदी सुकी ग बाई नदी सुकी
मग पानी आनाया जावू कशी मी जावू कशी? ||१||

दरवर्शाची ही रडगानी पावसाळ्यात म्होप पानी
हिवाळा सरता अंगावर काटा पान्यासाठी लई बोभाटा
प्यायाला नाही पानी आन कशी करावी सांगा शेती
मग पानी आनाया जावू कशी मी जावू कशी? ||२||

दिस सारा पान्यात जायी त्याच्यासाठी सारी घाई
दोन मैल गेल्याबिगर पानी काही दिसत न्हाई

एका चित्रकाराच्या आठवणी...

मी एक चित्रकार...
.... अमुक एका ठिकाणी पोचायचे म्हणून नव्हे, तर निव्वळ आवड म्हणून माळरानावर, राना-वनात भटकंती करणारा, जे आवडेल, ते चित्रात, शब्दात मांडणारा एक प्रवासी.... माझं जीवन हे सुध्धा अशीच एक निरुद्देश भ्रमंती... यात जे जे काही बघता-करता आलं, ज्यात मी काही काळ का होईना, रमून गेलो, त्याचा मागोवा घेण्याचा हा एक प्रयत्न ...

चांदोबा, मेणबत्ती आणि निसर्ग ....
इंदूर मध्ये ३० सप्टेंबर १९५१ रोजी जन्मलो.

पिंगळावेळ आणि आमचा आम्रविका खंडाचा सूक्ष्मदेहाने प्रवास

अलिकडे पौराणिक विमाने, लिंगदेहाने केलेला मंगळग्रहाचा प्रवास इ. विषयी वाचून आमच्या मनाने घेतले, की आपणही असा प्रवास करावा, आणि प्राचीन काळचे जग कसे होते, ते बघावे... अमेरिकेच्या स्थूलदेहाने केलेल्या प्रवासात आम्हाला सर्वत्र एकसारखी शहरे, बाजारादि दिसले होते, परंतु आमची प्राचीनत्वाची हौस त्यातून भागली नव्हती...सूक्ष्म देहाने जावे ???
परन्तु कसे? आपण काही त्या थोर नर्तकांसारखे ब्रम्हर्षी वा प्रज्ञाब्रम्ह वगैरे नव्हे, मग हे जमायचे कसे?

'क्लाउड कंप्युटिंग' - म्हणजे काय रे भाऊ ?

ढग किंवा क्लाउड ह्याला कवींनी, 'काळा काळा पिंजलेला कापूस' असे आपल्याला लहानपणीच समजावलेले असते. तरूणपणी दादा कोंडक्यांनी 'ढगाला कळ लागल्यावर काय होते' ते समजावून सांगितले. तर अंडरवर्ल्डवाल्यांनी गेम केल्यावर माणूस 'ढगात' जातो हे समजावून सांगितले. इतके, इतक्या जणांनी ढगाबद्दल समजावले तरीही 'क्लाउड' कंप्युटिंग ही काय भानगड आहे हा प्रश्न पडतोच. :)

चिरन्तन

चिरन्तन सत्य
की निरन्तर भास
विझेल कधी
जिवाची आस ?

अडकून पडशील
वेड्या मना
वळतील तेथे
पाय पुन्हा

फुङ्कून टाकता
येईल काय
धूळ जमते
जमत जाय

थोडा खेळ
माण्डून बघ
विरून जाईल
सारी धग

खचत जातो
एकेक कण
सलती सारे
मनाचे व्रण

कळलेच नाही
कसे सरलो
अन्ती क्षणांसाठी
झुरलो

मनास विचार
करशील काय ?
कुठली वाट
चालत जाय ..

चिरन्तन सत्य
की निरन्तर भास ?

आपल्याला काय वाटते?

Taxonomy upgrade extras

बरेच लोक अनाथालयातून मूल दत्तक घेण्यापेक्षा नातेवाईकांचेच मूल दत्तक घेतलेले बरे असे म्हणतात... (बरेचसे दत्तक घेऊ इच्छीणारे व आपल्या सारखे बघे ही)
काय कारणे असतील? रक्ताचे, जात-पात-कूळ-गोत्र ही कारणे सोडून अजून काही दूसरे विचार त्या मागे असतील का?

समाजसेवकांमुळे समाजाचा नक्की कोणता फायदा होतो?

Taxonomy upgrade extras

अखेर या लेखनातील या प्रतिक्रियेचा आवाका, वेगळी विस्ताराने चर्चा करण्याइतका मोठा वाटल्याने वेगळा धागा काढत आहोत. -- संपादक

या लेखनावरून आणि इतरही चर्चांमधून एक मूलभूत प्रश्न मला पडला आहे. त्यावर वेगळी चर्चा झाली तरी चालेल.
तो प्रश्न असा की - "समाजसेवकांमुळे समाजाचा नक्की कोणता फायदा होतो?"

या प्रश्नाला अनेक पैलू आहेत. हा प्रश्न मी कोणतीही भूमिका घेऊन किंवा कसल्याही अभिनिविशाने करत नाही.
त्याला आजच्या काळाचाही पदर आहे. समाजसेवा ही आता पदरमोड करून करायची गोष्ट राहिलेली नाही.

विनोद हा भेदक सत्यकथनासाठी खरंच परिणामकारक फॉर्मॅट आहे का?

Taxonomy upgrade extras

सुरुवातीलाच महत्वाचं.

विनोद हा विनोद म्हणून म्हणजेच निव्वळ हसवण्यासाठी केला की शोभून दिसतो हे सर्वांनाच मान्य असावं.
तस्मात, विनोद या लेखनपद्धतीबद्दल जनरलाईझ्ड मत असण्याचं कारणच नाही. चार घटका हसून आपल्या जगण्यात आनंदच भरतो आणि त्याबद्दल सरळसोट प्रकारच्या विनोदाचे आभारच मानले पाहिजेत.

मी पुलंना वाचत, ऐकत मोठा झालो. अन्य खूप जणांचं लिखाण वाचण्यात आलं पण पुलं हे सर्वात प्रसिद्ध उदाहरण घेऊन माझा प्रश्न मला पुढे ठेवायचा आहे.