Skip to main content

रिकाम्या अपार्टमेंटमधलं मांजर - विस्लावा झिम्बोर्स्का

रिकाम्या अपार्टमेंटमधलं मांजर

मरणं – मांजरीशी तुम्ही असं वागू शकत नाही.
कारण रिकाम्या अपार्टमेंटमध्ये
मांजर काय करू शकणार?
भिंतींवर चढणं?
फर्निचरला अंग घासणं?
इथलं काहीच बदललेलं दिसत नाही
पण काहीच पूर्वीसारखं नाही.
काहीच हलवलं गेलेलं नाही
पण रिकामी जागा वाढलेली आहे.
आणि रात्री दिवे लागत नाहीत.

जिन्यावर पावलं वाजतात
पण ती अनोळखी आहेत.
बशीत मासे ठेवणारा हात
तोसुद्धा वेगळा आहे.

एखादी गोष्ट
वेळेवर चालू होत नाही
एखादी गोष्ट
घडावी तशी घडत नाही.
कुणीतरी नेहमी, नेहमी इथं असायचं
मग अचानक अदृश्य झालं
आणि हट्टानं अदृश्य राहतंय.

सगळी कपाटं शोधून झाली

जन्मठेप

जन्मठेप या माझ्या पूर्वी लिहीलेल्या कथेवर राजेश घासकडवी यांनी प्रतिसादातून व व्यनितून केलेल्या काही सूचनांचा विचार करून मी ही कथा पुन्हा नव्याने लिहिण्याचा प्रयत्न केला आहे.

तुटलेल्या मैत्रीणीस :२

तुटलेल्या मैत्रीणीस,

आपण एकमेकांवर प्रेम करता करता,
एकेक दरवाजे बंद करत गेलो.
नवे न उघडता.
अंर्तभागात जसा हलतो पारा,
तशाच विस्कळीत होत चालल्यात
आपल्या वेदना.

त्यालाही आता पर्याय नाहीये.
आपल्यात लपलेला एक खाटिक होता.
तुकड्या तुकड्यात जगणारा.
स्पर्शाचं शिवार मावळे पर्यंत,
त्वचा सोलुन ,
आपली शरिरं आंधळी केली त्यानं.

नंतर आपण एकमेकांच्या
प्रेतयात्रेतही सामील झालो.
झिंगलो,
रडलो,
नाचलो....सर्व काही

पण आता तुझा कंटाळा येतोय.
ओलाव्याची माती गळुन पडतेय,
फुलांसकट
चिरंतन तेवणारया डोळ्यांनी,
सारखं वाटतंय की काहीतरी
भयंकर चाल करुन येणार आहे.
पण जिव्हारी लागलेला काळोख

लोकमतामधे ऐसी अक्षरे

http://onlinenews1.lokmat.com/php/detailednews.php?id=OxygenEdition-57-…

आजच पेपर वाचतांना मेघना ढोके यांच्या प्रतिक्रियेत 'ऐसी अक्षरेचाही' उल्लेख वाचला.

ऑनलाईन लेखनमाध्यमांची अधिकाधिक दखल घेतली जावी अस आपल्या सर्वांना वाटत. त्या दिशेने झालेली ही वाटचाल खूपच महत्त्वाची वाटते. त्याकरता मेघना यांचे आभार.
ऐसी अक्षरेची पतका अशीच झळकत राहील अशी खात्री आहे...
सोनाली

अवघे जग माझ्या विठ्ठलाचे झाले !

'विठ्ठल, विठ्ठल' - स्वर कानी आले
दर्शनास मोहित, मन माझे झाले !

पंढरीची वाट धरता मी थेट
वारकरी माझे आप्तजन झाले !

चंद्रभागी स्नान, देता अर्घ्यदान
पापाचे क्षालन देहाचे या झाले !

कामात विठ्ठल - नामात विठ्ठल
ध्यानात विठ्ठल - अती भ्रम झाले !

टाळ चिपळ्यात गुंतले दो कर
मनी नामस्मरण माऊलीचे झाले !

माझा तो विठ्ठल - त्याचा हा विठ्ठल
अवघे जग माझ्या विठ्ठलाचे झाले !