Skip to main content

कविता किती लहान असावी?

Taxonomy upgrade extras

लघुकविता हा माझा प्रांत नाही बहुधा. एक क्षण टिपणारं एखादं कडवं, काहीतरी छोटंसं मौलिक सांगणारी चांगली चारोळी, किंवा हायकू या प्रकारच्या कवितांचा कसा आस्वाद घ्यावा हे नीट कळत नाही. (हे विचार मनात आले ते धनंजयच्या शोधत-शोधत या कवितेमुळे)

काय सैपाक काय करू मी बाई

काय सैपाक काय करू मी बाई

घरधनी उठलं सकाळी रामपारी
उसतोडीची आमी केली तैयारी
न्यारी डब्यासाठी आंग खंगाळूनी
चुल पेटवली पाचट काड्या पेटवूनी
हाताशी पोळपाट परात घेवूनी
जाळ केला चुलीवर तवाठेवूनी
धुर डोळ्यात जाई फुकनीनं फुकूनी
पाण्याचा तांब्या शेजारी ठेवूनी
भाईर धन्यानं गाडी केली बैलं जुपूनी
ठेवला विळा कोयता दोर कळशीत पाणी
"घाई कर" म्हनं पोराला उठवूनी
रडत उठलं पोरं...रट्टा दिला ठिवूनी
सारी तयारी झाली झालं त्यांचं आवरूनी
चला उठा निघायचं हाळी आली शेजारूनी
पिठाचा डबा घेई हाती करूनी घाई
पाहते तर डब्यामधी बाजरीचं पिठच नाही

नको रे कान्हा

नको रे कान्हा

नको रे कान्हा आडबाजूला भेटूनी
नको लगट दावू उगीचच खेटूनी ||

नार मी भोळी साधी सरळ हरणी
रस्त्याने जाई येई सलज्ज तरणी
सख्यांसवे मथूरा बाजारी निघाले
अडवूनी दुध दही नको घेवू लुटूनी ||

गोरी माझी काया तू रे सावळा
मनात दुजे काही चेहेरा भोळा
नको छेडाछेडी दिसे मग सार्‍यांना
ओढताच वस्त्र अंगाचे गेले सुटूनी ||

श्रीहरी मनमोहन कृष्णा रे मुकूंदा
केशव मुरलीधर माधवा गोविंदा
अनंत नावे तुझी येती माझ्या मुखी
विनवीते गौळण पाया तुझ्या पडूनी ||

तुझ्याविण दुजे माझे आहे सांग कोण
तुझ्याविण जग सारे होई वैराण

अलिकडे काय पाह्यलंत ? - २

अलिकडे काय पाह्यलंत ? इथे फार स्क्रोल करावं लागू नये म्हणून दुसरा धागा सुरु केला आहे.

कालच क्यूब नावाचा साय-फाय सिनेमा पाहिला. चित्रपट पहाणार असाल तर आधी विकीपिडीयावरची गोष्ट वाचू नका. धाग्यात गोष्ट दिलेली नाही.. दहाएक वर्षांपूर्वी मी हा चित्रपट पाहिला होता तेव्हातर बहुदा मला विकीपिडीया माहितही नसावा. पण त्यामुळे चित्रपटाबद्दल प्रचंड कुतूहल होतं.

शोधत-शोधत

शोधत-शोधत

शोधत-शोधत तुझा आत्मा
गेलो उकलत एकेक पाकळी
गुलाबासारखी.

नाही सापडला.

पण दरवळला,
अवघे भरून आसमंत :
अनंत, भव्य, जिवंत.

ईमेलमधील एका चित्रमय कथेचा अनुवाद

ईमेल मधून सध्या एक सुंदर , अर्थपूर्ण , सांकेतीक कथा फिरते आहे. खरं तर ती संपूर्ण चित्रमय कथा आहे. आणि ज्याने कोणी चित्रे काढली व ज्याची कोणाची ही कल्पना आहे त्याला , मला दाद द्यावीशी वाटते. सर्वांपर्यंत ही मानसशास्त्रावर आधारीत , "फील गुड" कथा पोचावी या उद्देशाने हा धागा काढला आहे.

चित्र १ - अनेक लोक रस्त्यावरून वाकून वाकून चालत आहेत. ह्म्म थकलेले दिसतात. का बरे? अरेच्च्या हे काय! सर्वांच्या पाठीवरती एकाच मापाचा प्रत्येकी एक असा क्रूस आहे. प्रत्येकजण आपापला क्रूस कसाबसा पाठीवरून वहात आहे.

अमेरिकन सैनिकांचे वाढते लैंगिक गुन्हे

Taxonomy upgrade extras

अमेरिकन सैनिकांनी केलेल्या लैंगिक गुन्ह्यांच्या संदर्भातली एक बातमी http://in.news.yahoo.com/violent-sex-crimes-u-army-soldiers-rise-report… नुकतीच वाचनात आली. युद्धामधील प्रत्यक्ष सहभागामुळे बसलेला मानसिक धक्का, सैन्यामधील वाढती बेशिस्त, ताणतणाव आणि युद्धामुळे चढलेला उन्माद यामुळे हे सैनिक असे गुन्हे करण्यास उद्युक्त होतात असे या बातमीत म्हटले आहे.

घृतं पिबेत

असेही दिवस होते की सांजवात तिळाच्या तेलात भिजायची तर निरांजनातल्या फुलवाती साजुक तूपात भिजायच्या. अंबाडीच्या भाजीवरची लसणाची फोडणी तेलात व्हायची तर कढीला चुर्रकार फोडणी तूपातली मिळायची. जवसाच्या किंवा कारळ्याच्या थोड्याशा कोरड्या चटणीला तेलाची जोड असायची तर लसणीच्या तांबड्या लाल तिखटासोबत तेल बरे की रवाळ तूप हा सांप्रदायीक वाद होता.

सरकारी उच्चपदस्थांना तुटपुंजं वेतन मिळतं का?

Taxonomy upgrade extras

अशोक पाटील यांच्या "व्हाय नॉट वुइथ डिग्निटी?" या धाग्यावरच्या चर्चेत भारताच्या चीफ ऑफ आर्मी स्टाफ यांच्या वेतनाबद्दल व निवृत्तीवेतनाबद्दल चर्चा झाली. त्यात एका प्रतिसादात त्यांनीच वेतनाची माहिती दिली. ते आकडे वाचून मला थक्क व्हायला झालं. महिन्याला एक लाख साठ हजार रुपये. फक्त. बरं, इतर पर्क्स आहेत, पण त्यांचा हिशोबही महिन्याला तीनेक लाखाचा होत असेल. थोडा कमी थोडा जास्त कदाचित. पण याचा अर्थ एवढ्या मोठ्या पदावर असलेल्या व्यक्तीला महिना फक्त पाच लाख रुपये मिळतात.