बागकामप्रेमी ऐसीकर - २०२१

संपूर्ण बागेचाही एखादा फोटो दाखवा ना.

+१०० डोळे निवतील.

उकडलेले पावटे 'चीज मकरोनीमध्ये' वापरता येतात.

माफ करा, परंतु, नक्की कोठून वेचलात हा ज्ञानकण? (मला व्यक्तिशः चीज़ मॅकरोनी हा प्रकार - आमच्या भाषेत 'मॅक-अँड-चीज़' - मुळीच आवडत नाही, परंतु तरीही,) चीज़ मॅकरोनीमध्ये पावटेच काय, परंतु बहुधा कोठलीही भाजी किंवा एक्स्ट्रेनियस घटक घालणे हे (निदान प्यूरिस्टांच्या नजरेतून तरी) बहुधा सॅक्रिलिज ठरावे.^१ (चूभूद्याघ्या.) आणि त्यात पुन्हा मॅक-अँड-चीज़मध्ये उकडलेले पावटे घालणे म्हणजे... रामारामारामा! एक म्हणजे अगोदरच बेचव/काहीतरीच लागणाऱ्या एका पदार्थात दुसरा त्याहूनही बेचव पदार्थ घालण्यातला प्रकार, आणि दुसरे म्हणजे, 'कशातही काहीही' कॅटेगरीतला नोबेल पारितोषिकाच्या तोडीचा जो काही पुरस्कार अस्तित्वात असेल, तो या काँबिनेशनला द्यायला हरकत नसावी. या रेटने उद्या केळ्याच्या शिकरणीत उकडलेले बटाटे घालाल!

की ही मॅक-अँड-चीज़ची काही हिंदुस्थानी बास्टर्डाइज़्ड आवृत्ती आहे? 'फ्रेंच टोस्ट'सारखी?^२

----------

तळटीपा:

^१ नाही म्हणायला, क्वचित्प्रसंगी मॅक-अँड-चीज़मध्ये बेकन, हॅम, खिमा, मिरच्यांचे तुकडे, कांदे, कांद्याची पात, टोमॅटो इत्यादि संकीर्ण पदार्थांपैकी एक अथवा अधिक घटक घालणारे काही तुरळक लोक अस्तित्वात आहेत, असे विकी सुचवितो खरा^१अ, परंतु असे लोक (होपफुली) विरळा असावेत. यातून फक्त There's no accounting for taste एवढेच सिद्ध होते, आणि तसेही एकंदरीत तो lipstick on a pigमधला प्रकार आहे. इन एनी केस, मॅक-अँड-चीज़मध्ये उकडलेले पावटे घालण्याची काही प्रथा असण्याबद्दल ऐकिवात नाही. असो चालायचेच.

^१अ

Extra ingredients sometimes incorporated include bacon, jalapeños, tomatoes, onions, leeks, dried herbs, Tabasco sauce, sautéed mushrooms, ham, ground beef, sliced hot dogs, Spam, lobster, canned tuna or salmon, peas and broccoli.

(स्रोत.)

^२ 'खरा' फ्रेंच टोस्ट हा वस्तुतः एक किंचित गोडसर असा पदार्थ आहे. त्यात तिखटमीठ/कांदे/हळद वगैरे असले काही अजिबात घालत नाहीत. (किंबहुना, त्यात फेटलेल्या अंड्यात बहुधा काहीही घालत नसावेत, अशी शंका आहे. (चूभूद्याघ्या.) आणि मग त्या नुसत्याच फेटलेल्या अंड्यात पावाचा स्लाइस बुचकळून तो तव्यावर परतत असावेत.) उलटपक्षी, तयार झालेल्या फ्रेंच टोस्टवर पिठीसाखर भुरभुरवितात नि सोबत (हवे असल्यास बुचकळून खाण्यासाठी किंवा वरून ओतून खाण्यासाठी) सिरप (काकवी) देतात. तिखटमीठवाला फ्रेंच टोस्ट ही फ्रेंच टोस्टची भारतीय बास्टर्डाइज़्ड व्हर्जन असावी. वस्तुतः, त्यास 'इंडियन फ्रेंच टोस्ट', 'फ्रेंच इंडियन टोस्ट', किंवा (सुटसुटीतपणाकरिता) 'पाँडिचेरी टोस्ट' अशा काही(बाही) नामाभिधानाने संबोधले पाहिजे! पण लक्षात कोण घेतो?

भुकेवर अवलंबून असते. आवडणे वगैरे.
उकडलेले वाल ,घेवडा,पावटे,तूर हे चांगलेच असते. कोकणातल्या (अलिबाग) पोपटीत असतातच. पण ते मकरोनीच्या पांढऱ्या सॉसमध्ये पटत नसेल. असो.

वेलकम गवि.
पुनरागमनाप्रीत्यर्थे स्वागत. गेलेला नव्हताच मूळात पण काही दिवस दिसला नाहीत. कोव्हिड की काय अशी शंकाही मनास चाटून गेलेली

बरं पादऱ्याला पावट्याचे निमित्त असे म्हणत नाही बास!!!

आणि फक्त लाल किंवा पिवळी खोडं आणि त्या रंगांची फुलं तेवढी राहतात. झाड फारच छान दिसतं.

वाह!! फोटो टाक पुढल्या वेळी.

नाही दुपटीने काम करतील. तणाचा नायनाट करतील.

वाह!!! मस्त मस्त.

आहा, काय सुंदर दिसतंय हे झाड.

मी ते सेलोसिया/कुर्डूचं झाड लावलं तरी सवयीच्या भाज्या-फळांपलीकडे फार काही खात नाही. मी ते सगळं शोभेसाठीच लावते. येत्या शनिवारी बिया पेरणारे.

राजगिऱ्याचाही बिया फारच थंड झाल्यामुळे उगवल्या नसणार.

केले आहे.

खरंय. आमच्या घराजवळच फुलपाखरांसाठीची बाग आहे. कॉलनीतले काही जण तिची निगराणी करतात. (अळ्यांसाठी लागणारी झुडपं लावणे, फुलपाखरांची पैदास वगैरे). नक्की डिटेल्स माहिती नाहीत पण तिथली बरीच फुलपाखरं उडत उडत आमच्या बागेतपण येतात. 

पक्षांचे ढोबळ सोडले तर बाकीचे प्रकार फार माहिती नाहीत पण हमिंगबर्ड, किमान दोन ते तीन प्रकारचे चिमणीच्या आकाराचे पक्षी येऊन जाऊन असतात. सध्या घरून काम करत असल्याने दुपारचे जेवण बागेत करतो. पक्ष्यांशी बोलत, त्यांना बोलावत जेवताना आमचा छोटा माणूस मजेत असतो. 

आमच्याकडे अनपेक्षित आणि फार जास्त थंडीमध्ये बऱ्याच झाडांचं नुकसान झालं. पण आता बरीचशी झाडं पुन्हा वाढायला लागली आहेत. पानगळीच्या काळात मी पानं गोळा करून, चुरडून वाफ्यांमध्ये पसरून देते. त्या आच्छादनामुळे बरीच फुलझाडं वाचली. गझानिया, जर्बेरा वगैरे वाचतील असं मला अजिबात वाटलं नव्हतं. पण माझ्या आळशी-कंजूषपणामुळे ती पुन्हा परत येत आहेत.

आमच्याकडे मागीलदारी बरीच सावली आहे आणि तिथे बरीच जागाही मोकळी आहे. आता मी तिथे रोपं लावायला सुरुवात केली आहे. हळूहळू फोटो लावते त्याचे.

सध्या भाज्यांमध्ये टोमॅटो, झुकिनी, वांगी आणि मिरच्या लावल्या आहेत.

@सिद्धि,
सध्या या फेसबुक ग्रुपकडे सरकलो जॉईन झालो आहे.

गच्चीवरील माती विरहित बाग संस्था - https://facebook.com/groups/pltambe/

खडकी गच्ची व परसबाग
https://facebook.com/groups/2167503466836189/

आणि
दुर्मिळ वनस्पती माहिती आणि उपयोग -

https://m.facebook.com/groups/129710604383987/

बागकाम अमेरिका ( मायबोली ग्रुप आहे) हा आमच्यापेक्षा वेगळ्या हवामानाचा बागकामाचा ग्रुप आहे. तिकडे जाऊन उपयोग नाही.

--------------------
शेवटी एकदाचे खरे बेझिल मिळाले. वाढवले. पण नक्की कसा कोणत्या पदार्थांत ( भाजी,आमटी,सलाड,कोशिंबीर, भेळ, वगैरे) उपयोग होईल सांगता येत नाही कारण तुळशीचाच वास आहे. परदेशी गुणगान गायलेला pesto आमच्या कामाचा नाही. (परमेसन चीज सॉस आहे.)
आता इतर लवेंडर, रोजमरी, थाईम, ओरिगानो आणून वाढवण्याचा उत्साहही गेला आहे.
पण लसुणपान उर्फ chives चांगलं वाढतंय, आणि डोसा टॉपिंग किंवा रोस्टेड सँडविच किंवा कोथिंबीर चटणीने त्यास आपलं म्हटलं आहे.
हे झाड आणि चिनी गुलाब आणि दोन झाडं आहेत ती बांबू टोपल्यांना योग्य आहेत. १) dwarf morning glory , 2) Russelia red flowers plant
(- आचरटबाबा ,)

आई ग्ग!! हा बटमोगरा आहे का? हा डबल मोगरा नाही.
_________________
टपोरा असतो. पहाटे पहाटे दवात न्हालेला आठवतो आहे. लहानपणी आजोळी पहाटे देवासाठी फुले गोळा करायचे काम माझे होते. तगर, मोगरा, प्राजक्त.