नवीन प्रतिसाद

#ऐसीअक्षरे #दिवाळी२०२३

दिवाळी अंक पाहिलात का?

४ जुलै
जन्मदिवस : कवी, काव्य समीक्षक नारायण बेहरे (१८९०), स्वातंत्र्यसैनिक अल्लुरी सीता राम राजू (१८९७), पंतप्रधान गुलजारीलाल नंदा (१८९८), गायक निवृत्तीबुवा सरनाईक (१९१२), गीतकार पी. सावळाराम (१९१४), अभिनेत्री जिना लोलोब्रिजिडा (१९२७)
मृत्युदिवस : दर्यासारंग सरदार कान्होजी आंग्रे (१७२९), दुहेरी नोबेलविजेती वैज्ञानिक मेरी क्यूरी (१९३४), पहिली महिला टेनिसस्टार सूझन लँगलेन (१९३८), चित्रकार बार्नेट न्यूमन (१९७०), सामाजिक प्रश्नांवर कथेच्या माध्यमातून जागृती करणारे लेखक र.वा. दिघे (१९८०), गीतकार भरत व्यास (१९८२), लेखक विठ्ठल पारगावकर (१९८९), रहस्यकथालेखक बाबुराव अर्नाळकर (१९९६), अभिनेता वसंत शिंदे (१९९९), इतिहासविषयक लेखक प्रा. डॉ. अरविंद देशपांडे (२००२), समाजसेवक डॉ. एम्. व्ही. श्रीधर (२००३), आसामी कवी हिरेन भट्टाचार्य (२०१२), चित्रपट दिग्दर्शक अब्बास किआरोस्तामी (२०१६)
---
स्वातंत्र्यदिन : अमेरिका (१७७६), फिलीपाईन्स (१९४६)
पृथ्वी अपभू स्थितीत (लंबवर्तुळाकार भ्रमणामुळे सूर्यापासून सर्वात जास्त अंतर - १५ कोटी २० लाख कि.मी.)
१०५४ : चिनी आणि अरब निरीक्षकांनी आकाशात अतिनवतारा पाहिल्याची नोंद. आता त्याच्या उर्वरित भागाला 'क्रॅब नेब्युला' असे नाव आहे.
१८६२ : पुढे 'ॲलिस इन वंडरलँड' म्हणून प्रकाशित झालेली गोष्ट लेखक ल्यूईस कॅरॉलने आपल्या बालमैत्रिणीला सांगितली.
१८८१ : कृष्णवर्णीयांसाठी ऐतिहासिक महत्त्व असणारी टस्कगी संस्था सुरू झाली.
१८९९ : कैदेतून सुटल्यावर लो. टिळकांनी पुन्हा केसरीचा कारभार हाती घेतला.
१९३४ : लेओ शिलार्ड याने अणुबॉंबमध्ये वापरल्या जाणाऱ्या साखळी-प्रक्रियेचे पेटंट घेतले.
१९४१ : नाझी सैन्याने पोलिश शास्त्रज्ञ आणि लेखकांचे शिरकाण केले.
१९४३ : नेताजी सुभाषचंद्र बोस यांनी आझाद हिंद सेनेची सूत्रे हाती घेतली.
१९४७ : भारताची फाळणी करण्याचे विधेयक ब्रिटिश संसदेत सादर.
१९५१ : विल्यम शॉकलीने जंक्शन ट्रान्झिस्टरचा शोध लावला.
१९६६ : अमेरिकन अध्यक्षांनी माहिती अधिकारावर सही केली.
१९७७ : मराठी प्रकाशक परिषदेची स्थापना.
१९९१ : तत्कालीन वाणिज्यमंत्री पी. चिदंबरम यांनी आपले पहिले व्यापार धोरण सादर केले. आयातीवरील निर्बंध त्यात उठवले होते. भारताच्या आर्थिक उदारीकरणाची ही सुरुवात होती.
१९९१ : पृथ्वी क्षेपणास्त्राची चौथी यशस्वी चाचणी.
१९९४ : रवांडात वंशविच्छेदाची अखेर. सुमारे आठ लाख मृत.
१९९७ : नासाचे 'पाथफाईंडर' प्रोब मंगळावर उतरले.
१९९९ : लिएंडर पेस व महेश भूपती यांनी विंबल्डनवर आपले नाव कोरले.
१९९९ : कारगिल युद्ध : भारतीय सैन्याने "टायगर हिल्स" घुसखोरांच्या ताब्यातून सोडवत विजय प्राप्त केला.
२००८ : अमरनाथ देवस्थान ट्रस्टला जमीन देण्याविषयीचा निर्णय जम्मू-काश्मीर सरकारने फिरवला.
२०१२ : 'देव कण' नावाने परिचित असणारा हिग्ज बोसॉन सापडला.