Skip to main content

अलीकडे काय पाहिलेत? - २

यूट्यूब, नेटफ्लिक्स आणि अशाच अनेक ठिकाणी देशोदेशींच्या बघण्याजोग्या चित्रपटांचे खजिने उपलब्ध होऊ लागले आहेत आणि - विशेषतः यूट्यूबवर - ते सर्व विनामूल्य वा कधीकधी अल्प मूल्याने पाहण्यास उपलब्ध असतात. अशा चित्रपटांविषयी माहितीची देवाणघेवाण करता यावी असा हा धागा सुरू करण्यामागचा हेतु आहे.

सर्वप्रथम दोन चित्रपटांची येथे माहिती देतो. पहिला चित्रपट पाकिस्तानी (उर्दू भाषेत) असून त्याचे नाव आहे 'बोल'. कालबाह्य सामाजिक निर्बंधांमुळे आणि पुरुषप्रधान विचारांच्या वरचष्म्याखाली एका कुटुंबाची झालेली वाताहत हा चित्रपटाचा विषय आहे. पाकिस्तानी नजरेतून पाकिस्तानी समाजाचे चित्रण हेहि एक आकर्षण आहेच. हा चित्रपट http://www.youtube.com/watch?v=gTlLCmZfwWY येथे पाहता येईल.

दुसरा चित्रपट 'The Stoning of Soraya M.' अशा नावाचा इराणी चित्रपट आहे. भाषा फारसी असून इंग्रजी सबटायटल्स आहेत. स्वत:चा हेतु साध्य करण्यासाठी नवरा बायकोकडून तलाक मागतो आणि तिने नकार दिल्यावर गावातील अन्य पुरुषी विचाराचे लोक आणि मुल्ला ह्यांच्या मदतीने तिच्याविरुद्ध खोटे कुभांड रचून दगडांनी मारून टाकण्याच्या शिक्षेपर्यंत तिला पोहोचवितो असे हे कथानक आहे. यूट्यूबवर http://www.youtube.com/watch?v=Q58nLi5eA-I येथे पाहता येईल.

संपादकः अलिकडे काय पाह्यलंत - १ इथे वाचता येईल

वाचकांना आवाहन

हैदराबाद येथील एक रसिक अभ्यासक आपला इंग्रजी-मराठी पुस्तकांचा मोठा संग्रह दान करु इच्छित आहेत. ही पुस्तके घेऊ इच्छिणार्‍यांनी ती वाचावीत आणि त्यांचा प्रेमाने सांभाळ करावा, इतकीच त्या दात्याची इच्छा आहे. (आणि अर्थातच ती पुस्तके हैदराबादहून आणण्याचा खर्च ज्याने त्याने करावयाचा आहे.)
'ऐसी अक्षरे' च्या वाचकांपैकी कुणाला ही पुस्तके घेण्यात रस आहे का? या पुस्तकांची यादी खालील दुव्यावर पहाता येईल.
https://docs.google.com/spreadsheet/ccc?key=0AoFyKdkywQywdExGeGhLa1BMZD…

बेअरलाऊख पेस्टो व पास्ता

अ‍ॅलियम अर्सिनम, रॅमसन्स ,वाइल्ड गार्लिक,ब्रॉड लिव्ड गार्लिक अशा अनेक नावाने प्रसिध्द असलेल्या बेअरलाउखच्या जुड्या आठवडी बाजारात साधारण मार्चच्या पहिल्या आठवड्यापासून दिसायला लागतात. ह्या पानांचे करतात तरी काय? असे आमच्या त्सेंटा आजीला विचारले असता तिने सांगितले याची पेस्टो करतात. ही पाने फक्त मार्च,एप्रिल मध्येच मिळतात म्हणून त्याची पेस्टो वर्षभर टिकेल अशी करुन ठेवता येते. हिरव्या रंगाची ही पेस्टो न्यूडल्स, पास्ता,सलाड, सूप इ. मध्ये वापरतात.

रिकाम्या जागा अन एक अनुभव

काल दुचाकीवरून जात होते. नेहमीचा रस्ता दुरुस्तीसाठी बंद होता म्हणून थोड्या लांबच्या रस्त्याने जावे लागले. नुकताच विकसित होऊ लागलेला भाग. दोन्ही बाजूला नजर टाकली तर तुरळक बंगले अन बरेचसे रिकामे प्लॉटस. मधल्या रिकाम्या जागांमधून नजर बरीचशी लांबवर पोचत होती. नेहमी रस्त्याच्या दुतर्फा भरगच्च कॉन्क्रीटचे जंगल पहायची अन त्या मर्यादित परिघातच फिरण्याची सवय असलेली नजर अडखळली. ‘लाजते, पुढे सरते, फिरते..’ अशी तिची अवस्था झाली. हल्ली घरे, बंगले, दुकाने, अपार्टमेंटस यांनी शहरांचा, रस्त्यांच्या बाजूंचा इंच अन इंच व्यापलेला. फार दूर पाहायची डोळ्यांची सवय मोडली आहे.

छत्री दुरूस्तीला टाकली पाहिजे (१/३)

काल एका मित्राने बालभारतीमधल्या कवितांचा संग्रहाची पीडीएफ पाठवली. अनेक कविता नव्याने भेटत होतो. त्यात भिजत होतो. त्यातली इंदिरा संतांची कविता वाचली. आमच्या अभ्यासक्रमात नव्हती. म्हणून नीट वाचू लागलो

नको नको रे पावसा
असा अवेळी धिंगाणा
घर माझे चंद्रमौळी
आणि दारात सायली|

पावसाला नको का म्हणतायत हे समजेना आणि मग वाचू लागलो आणि कवीयित्रीचा सखा यायचा आहे हे समजलं आणि ती हुरहुर आवडून गेली. मात्र पुढच्या कविता वाचायच्या ऐवजी मन पार भूतकाळात गेले.

धडा

काळं आकाश करडं होताना शंभूने हॉटेलाची फळकुटं उघडली आणि इतकावेळ दाराच्या फटीतून हळूहळू झिरपणारी गार हवा शाळा सुटलेल्या पोरांच्या लोंढ्यासारखी उघड्या दारातून भस्सकन आत आली. गोणपाटावर मुटकुळं करून पडलेल्या पिंट्याने डोळे न उघडताच अंगावरची सोलापुरी चादर डोक्यावरून ओढून घेतली आणि तिच्या ओशट वासात आपल्यापुरता उबदार अंधार निर्माण करायचा प्रयत्न केला. मिठाया झाकून ठेवलेल्या 'डिस्प्ले'च्या काचेच्या कपाटावर कुलूप ठेवत शंभू आत आला. खालच्या बाजूला असलेल्या हनुमान नगर झोपडपट्टीत त्याची खोली होती आणि रोज सकाळी यावेळी येऊन हॉटेल उघडायचा त्याचा शिरस्ता होता.

चारोळी...

माझ्या कवितांमध्ये नेहमी,
सारे तुलाचं शोधत असतात...
अन, कवितेचं कारण विचारून,
ते मलाचं वेडं ठरवत असतात...

- सुमित

सॅम पित्रोडा नवे राष्ट्रपती?

Taxonomy upgrade extras

फोन ही हल्ली अन्न, वस्त्र, निवारा आणि विज यानंतरची पाचवी मुलभुत गरज बनली आहे. जगाच्या पाठीवर सगळ्यात स्वस्त आणि मस्त दुरध्वनी जर कुठे उपलब्ध असेल, तर तो भारतात असं म्हणतात. अवघ्या काही वर्षांपुर्वी मात्र हे असं मुळीच नव्हतं. आपल्यापैकी अनेकांना ट्रंक कॉल लावून तासनतास वाट बघत बसण्याचे दिवस चांगलेच आठवत असतील. ट्रींग ट्रींग करणारा काळा फोनही अनेकांच्या अगदी स्पष्ट स्मरणात असेल. तारेपासुन ते ब्रॉडबॅण्डपर्यंत दुरसंचार क्षेत्रात अगदी तासातासागणीक होणा-या या प्रगतीला सत्यनारायण गंगाराम पांचाल नावाचा एक माणुस जबाबदार आहे, असं सांगीतलं तर आपल्यापैकी अनेकांचा विश्वास बसणार नाही.