Skip to main content

चंचल मन

काही करायला जातो
तेथे तू आडवा येतो.
शंका-कुशंकांचे
जाळे विणून येतो.

कुणावर विश्वास
ठेवायचे म्हणतो.
दगाबाजीचे किस्से
तू मला सांगतो.

मित्र-आप्त सार्‍यांना
तू दूर-दूर केले.
एकांती तुझ्या सोबती
वैराण आयुष्य माझे.

करू नको आता
काळजी तू माझी.
खंजिरांच्या जखमा
सहण्याची शक्ति दे.

मोकळ्या आकाशात
श्वास मला घेऊ दे .
आनंदानी जगण्याचा
मार्ग मला शोधू दे.

तू माझा कैवारी.

तू माझा कैवारी.
सात साडे सात वाजले असावेत. सावंतांची एस टी फलाटाला लागली होती. पण कंडक्टर ड्रायवर चहा प्यायला गेले होते. साधी लाल गाडीच होती. त्यामुळे कुणाला काही घाई नव्हती. प्रवासी तसे थोडकेच होते. खिडकीपाशी बसायला मिळावे म्हणून सगळ्यांची गाडीत घुसण्याची घाई, पण बसचा दरवाजा काही उघडेना.
“दरवाजा लॉक झाला जणू”. कोणीतरी रिमार्क टाकला.
“अहो उघडेल की. जरा हैय्या म्हणून जोर लावा.”
“सगळा अनागोंदी भोंगळ सरकारी कारभार. साधा एस टीचा दरवाजा...... ”
“रायटिंग मध्ये तक्रार करायला पाहिजे. साल्यांना ##त लाथा घालायला पाहिजेत.”
“काय उपयोग? कचऱ्याची टोपली दाखवतील.”

ललित लेखनाचा प्रकार

बाजार है भय्या आ जाओ - नंदा खरे

मूल्यहीन अर्थव्यवहारांवर नंदा खरे यांचं मुक्त चिंतन 'बाजार' नावानं पुस्तकरूपात बाजारात आलं आहे. त्याचं पहिलं प्रकरण ऐसीच्या वाचकांसाठी उपलब्ध करून देत आहोत.

आक्रीत

सापशिडीच्या डावात
माझ्या घडते आक्रीत
शिड्या गिळतात साप
आणि टाकतात कात

बुद्धिबळाच्या डावात
माझ्या घडते आक्रीत
राजा पांढरा, करतो
काळ्या रंगावर प्रीत

घडे आक्रीत तसेच
माझ्या जगण्यात रोज
वास्तवाच्या कोलाहली
कानी अतर्क्याची गाज

शेजारच्या काकूकाकांनी केसावरून गाठला स्वर्ग

कोथरूड, १२ फेब्रुवारी

शेजारच्या काकांना साबुदाण्याची खिचडी खूपच आवडते. "माझ्याएवढी साबुदाण्याची खिचडी कुणालाच आवडत नाही,?" असं काका संध्याकाळी कॉलनीतल्या मुलांना सांगत होते. दर शनिवारी संध्याकाळी काका साबुदाण्याची खिचडी करतात. "आपल्याकडे पाहुणे बोलावायचे तर ते शनिवारी संध्याकाळीच" असंही काकांनी ठरवून टाकलं आहे.

खिचडी

शब्दखूुळ

कधीकधी एखादं भुत जगातल्या अनेकांच्या मानगुटींवर (की मनांवर) एकदम बसतं, जगाला पछाडून टाकतं. तसंच काहीसं जॉश वॉर्डलनी बनवलेल्या वर्डलनी झालं. पाच अक्षरी इंग्रजी शब्द ओळखण्याचा हा साधा खेळ. सहा खेळ्यांमध्ये गुप्तशब्द ओळखायचा. प्रत्येक प्रयत्नानंतर तुमच्या अक्षरांपैकी किती बरोबर आहेत याबद्दलची माहिती मिळते. खरं तर त्याच्या साधेपणामुळेच तो पुर्ण जगाला आपल्या कह्यात घेऊ शकला. त्याने म्हणे तो आपल्या गर्लफ्रेंड करता लिहिला. तिचं प्रेझेंट मागवायला वेळ न मिळाल्यामुळे. खेळातील यादीत तेवीसशे गुप्तशब्द आहे. गुप्त कसले, ओपन सिक्रेट आहेत ते.

घराविषयीच्या नोंदी

हिजाब की शिक्षण? असं एक राजकीय धार्मिक द्वंद्व सध्या सुरू आहे. कर्नाटकातल्या उडपी जिल्ह्यात - बुरखा घालून कॉलेजात जाणाऱ्या मुलीसोबत काय झालं, हे आपण पाहिलं. सोशल मीडियावर या सगळ्या गोंधळाचे पडसाद उमटले. वेगवेगळे ट्रेंड्स सुरु झाले. हिजाब बुरख्याच्या बाजूने-विरोधात हिरीरीनं मतं मांडली जाऊ लागली. निधर्मीवादाच्या आड लपून स्त्री-स्वातंत्र्याचे आम्हीच जणू कैवारी अशा थाटात अतिरेकी उजव्या संघटनांचे नॅरेटिव्हज, सदाहरित आय.टी.सेलची कर्तबगारी, पुरोगामी विरुद्ध प्रतिगामी, आस्तिक विरूद्ध नास्तिक, स्त्रीवादी विरुद्ध स्त्रीवाद न मानणारे अशा अहमहमिकेत इस्लामोफोबियाचा मुद्दा जरा मागेच पडला.

ललित लेखनाचा प्रकार