Skip to main content

अनावर जखमा......

काच फुटावी तशी
भावना जेव्हा असंख्य तुकड्यानी फुटतात,
मग त्या प्रत्येक तुकड्यात आपलंच प्रतिबिंब दिसतं.....
आपल्याच भावना नंगा नाच करतात त्या तुकड्यातून,
त्यांचं ते खिजवण...
जिव्हारी लागतं,
काचांचे तुकडे फक्त पायात घुसतात,
ह्या भावनांचे मात्र थेट हृदयात,
काचांच्या जखमांतून रक्तच येतं फक्त,
भावनांच्या जखमांतून अजून भावना बाहेर पडतात,
चांगल्या वाईट ते ज्याचं त्यानी ठरवावं,
प्रत्येकाचा pattern वेगळा असतो ना म्हणे,
मग ह्या जखमांचाही.
मला लागतात, खूप खोलवर लागतात,
जा म्हणता घालवता आल्या असत्या तर?
पण त्यांचे थैमान चालूच असते,

लघुकथा - प्रेमाची लांबी

प्रेमाची लांबी
---------------------------

नवरा बायको कशावरूनही भांडतात. पण त्याचं अन तिचं कशावरून बिनसलं हे कळलं, तर तुम्हाला गम्मतच
वाटेल.

तिला टीव्हीवरच्या मालिका बघून तसलेच दागिने घालावेसे वाटत .’ लाडकी बायको’ ही तिची सध्याची जाम आवडती मालिका होती .

एके दिवशी- मालिका चालू असताना तो आला. त्या दिवशी लाडकीने लांब मंगळसूत्र घातलं होतं. डिझायनर !
ती म्हणाली ,” अहो, मलाही असंच मंगळसूत्र हवं. नवऱ्याचं प्रेम जेवढं जास्त तेवढं मंगळसूत्र लांब असतं !”
तो हसत म्हणाला, “अस्सं ? मग तर तुला गळ्याला घट्ट बसेल एवढंसच मंगळसूत्र करायला हवं !”

ललित लेखनाचा प्रकार

लघुकथा - परी

------------------------
परी
-----------------------
त्या चिमुरड्याने शेजारी नवीन रहायला आलेल्या चिमुरडीला घरी बोलावलं . खेळायला .
पोरगी भलतीच गोड होती. एखादी परी ? …
त्याच्या घरात काचेच्या हंडीमध्ये मासे होते. रंगीबेरंगी ,चमकणारे, गप्पी मासे. तिला गम्मत वाटली .
गालावर हात ठेऊन ती आश्चर्याने म्ह्णाली ,” अय्या !फिश!”
मग तिने मोजायची सुरुवात केली.” एक दोन तीन चाल .ए, चाल माशे आहेत .”
“नाही गं ! पाच माशे आहेत.”
“नाही ले, चालच आहेत.”
“तुला माइती का मला माइती? माजे माशे आहेत ! तू मोजायला चुकतीये.”
त्यावरून दोघे भांडले .ती परी गेली घरी.

इटालियन कनेक्शन

मह्याचा डीपी बेस्ट आहे. पिसाचा मनोरा कलतोय आणि मह्या त्याला जमीनदोस्त करायला अजून ढकलतोय असा. पण डीपी काढायला मह्या इटालीला गेला ती स्टोरी अजून जास्त बेस्ट आहे.

तर मह्याचं अॅप्रेझल झालं तेव्हा त्याच्या बाॅसिणीनं सांगितलं की काहीतरी नवीन गोष्ट शिकतोयस असं दाखवलं तर पुढच्या वर्षी प्रमोशन होऊ शकेल. त्यांची कंपनी औषधं एक्स्पोर्ट करते. सिनियर ऑफिसर झाल्यावर पोलंडमधे पॅरंट कंपनीच्या काॅन्फरन्सला जायला मिळतं दर वर्षी. तर बाॅसिण प्रमोशनचं बोलली आणि मह्या ऑलरेडी हवेत गेला.

ललित लेखनाचा प्रकार

ती लेस्बिअन आहे?

मी शिक्षण घेतलेल्या कोर्सची मुलं नव्वद पंचाण्णव टक्के सरकारी नोकरीत जात असत. माझंही शिक्षण पूर्ण झाल्यावर मला सरकारी नोकरी मिळाली. माझे क्लासमेट उच्च पदांवर वेगवेगळ्या खात्यात क्लास थ्री पासून ते सुपर क्लास वन अधिकारी बनले होते.
मी एका तालुक्याच्या ठिकाणी नोकरी करत होतो. सोबतच शेजारच्या गावचा माझा बॅचमेट व जवळचा मित्र नोकरी करत होता.

ललित लेखनाचा प्रकार

प्रॅम-ऑन-डिमांड

सिंधुआज्जींच्या मिड-लाईफ क्रायसिसच्या काळातील त्यांच्या अजून एका साईड बिझनेसचा हा किस्सा.

कार्यरत आईवडिलांच्या तान्ह्या बाळांसाठी पाळणाघरे उपलब्ध आहेत. पण बाळांना संध्याकाळी पाळणाघरात सोडणे आणि सकाळी पुन्हा घरी आणणे हे रात्रपाळी करणाऱ्या पालकांना (आणि सकाळी सोडणे आणि संध्याकाळी घरी आणणे हे इतर सामान्य पालकांना) कठीण जाते, हे सिंधुआज्जींना मार्केट सर्व्हेद्वारे कळले.

या समस्येवर तोडगा म्हणून सिंधुआज्जींनी अॅप-बेसड प्रॅम-ऑन-डिमांड सेवा सुरू केली. अॅपवरील एक बटण दाबताच काही मिनिटांत सुसज्ज प्रॅम हजर होत असे आणि तान्ह्या बाळाला इप्सित स्थळी नेत असे.

ललित लेखनाचा प्रकार

मास्तरांची जिरवली!

मी सातवीत होतो. माझं हायस्कूल तालुक्यातील उत्तम नावाजलेले होते. अतिशय शिस्तप्रिय आणि मुलांच्या प्रगतीसाठी झटणारे प्राचार्य आम्हाला लाभले होते. सहकार सम्राट, साखर सम्राटाची संस्था असली तरी भ्रष्टाचार, पैसे घेऊन शिक्षकांच्या नेमणुका करणं वगैरे गोष्टी तेव्हा अजिबात नव्हत्या. केवळ गुणवत्ता हाच निकष होता. प्राचार्यांच्या कावळ्याच्या नजरेतून एकही चूकीची गोष्ट सुटत नव्हती. ग्रामीण भागातील विद्यार्थ्यांना चांगले शिक्षण मिळावे म्हणून सर्व शिक्षक वर्ग तळमळीने काम करत होते.

ठाकठोक

ठाकठोक

मी तसा ओके आहे .
फक्त एक गोष्ट सोडता . मला जास्त आवाज आवडत नाही . सहनच होत नाही.
पण वरच्या मजल्यावरची ती जीवघेणी ठाकठोक ! ती बाई हे सारं मुद्दाम करते .
मला त्रास द्यायला. छळायला.
यावर काहीतरी उपाय काढायलाच हवा; नाहीतर मी मरून जाईन असं वाटतं.

ललित लेखनाचा प्रकार

FLAME

वीस बावीस वर्षे वयाचे आम्ही एका कॉलेजात शिकायला होतो. मी, सात्या, पव्या, आस्क्या, राजू आणि गुडघ्या एका रुमवर रहात होतो. आमच्या घरमालकाची मुलगी मला लयी लाईन देत होती पण राजाला ते देखवलं नाही. राजानं तिला बहीण मानावं असं फर्मान सोडले. आमच्यात राजा सभ्य नि निर्व्यसनी असल्यानं, हुशार मुलगा रुम पार्टनर आहे म्हटल्यावर आमच्या खोडींकडे बाकीचे कानाडोळा करत. त्यामुळे त्याचं ऐकणं भाग होतं. मी पण उजीवर (उज्वला) लाईन मारणं सोडून दिले. गुडघ्याला मात्र राजाचा लयी राग आला.

दिवाळी ओवाळी

दिवाळी जवळ आली की आमच्या मुलांच्या टोळ्या तयार व्हायच्या. वसू बारसे पासून देवांना आणि तुळशीला, गायींना ओवाळण्यासाठी अंधार पडला की घरोघरी जाऊन गाणी म्हणत पाच दिवस ओवाळायची पध्दत होती आमच्या गावाला. शेवटच्या दिवशी ज्यांच्या घरी ओवाळलं त्यांच्या कडून सकाळी सकाळी पैसे घेत असू. नंतर सारखे वाटे करून आपापसात वाटून घेत असू. हे पैसे टिकल्या, लवंगी, चिमणी फटाके, भुईचक्कर, टिकल्यांचा पट्टा, शिट्टी विकत घेण्यास खर्च करायचो. कंजूस लोकांच्या घरी मुद्दाम खट्याळ गाणी म्हणायचो. व त्या घरच्या लोकांची जिरवायचो. तर ती गाणी अजूनही तोंडपाठ आहेत.

ललित लेखनाचा प्रकार