Skip to main content

मनातील छोटे मोठे प्रश्न किंवा विचार - भाग ३३

ही धागामालिका आपल्या मनात येणारे, नेहमी नेहमी डोकावणारे विचार व प्रश्न मांडण्यासाठी आहे. कधी कधी आशय फार मोठा नसतो. फार खोल विचार केलेला नसतो. तो विचार/ कल्पना/ प्रश्न/ गंमत डोक्यात येते, जाते. कधी कधी आपण विसरतो, कधी कधी ती ती पुन्हा पुन्हा येत असल्याने आपण विसरू शकत नाही.
यापूर्वीच्या धाग्यावरचे प्रतिसाद १००च्या वर गेले आहेत म्हणून हा पुढचा धागा.
----------------------------------------------------------------------------------------------------------------

बारशाला "कोणी गोविंद घ्या कोणी गोपाळ घ्या" हे फक्त पुत्ररत्नाकरताच म्हणतात की कन्येकरताही?
मला आठवतच नाहीये.

१४ फरवरी (प्रेम दिन) - दोन क्षणिका

प्रेमाच्या दिवशी अर्थात (आंग्ल भाषेतील वेलेन्टाईन डे) कार्यालायातून सांयकाळी ५च्या सुमारास बाहेर पडलो, राजपथावर अक्षरश: प्रेमी जोडपे हातात हात घालून फिरत होते. या प्रकरणांचा अंत काय होईल, विचार करताना सुचलेल्या दोन क्षणिका.

तिच्या साठी सर्व सोडले, पण तिने ....
गुलाबी काटा
ह्रदयी डसला.
जीव भौंऱ्याचा
नाहक गेला.
बहुतेक मुलींच्या नशिबी ....


ही बातमी समजली का? - ५९

अनेक बातम्यांबद्दल आपल्याला चर्चा करावीशी वाटते. 'ऐसी अक्षरे'वर बातम्यांवर चर्चा करण्यासाठी 'बातमी' नावाचा लेखनप्रकारही अस्तित्त्वात आहे. पण, त्याबद्दल विस्तारानं लिहिण्याइतका किंवा एखादा व्यवस्थित चर्चाप्रस्ताव मांडण्याइतका वेळ किंवा माहिती किंवा उत्साह किंवा हे सारंच नसणं वगैरे कारणांमुळे आपण चर्चाप्रस्ताव लिहीत नाही. शिवाय बऱ्याचदा 'एकोळी' / नुसत्याच लिंका देऊन धागा काढायचंही जिवावर येतं.

अश्या बातम्यांसाठी ह्या धाग्याचा वापर करावा. १००हून अधिक प्रतिसाद झाल्यावर नवा धागा काढला जावा / जाईल.

===========

इतिहास १ - राणी ताराबाई

राणी ताराबाई

वाचक हो, आज मी आपल्यासमोर आपलाच इतिहास जो कि सर्वांनाच माहित आहे तरीही काहीजण त्यापासून अज्ञात आहेत त्यांच्यापर्यंत मी ती माहिती पोहचविण्याचा प्रयत्न करणार आहे. तरी आपण सर्वांनी आपल्या प्रतिक्रिया द्याव्यात हि विनंती.

मी आणि ती

उन्हात चालणारे तिचे पाय
अनवाणी.
चार थेंब पाण्यासाठी
पाच मैलांची वणवण
कोरडे ओठ, भेगाळलेली भुई
शुष्क जीवन आणि फुटलेली टाच

मी माझ्या गाडीत बसून
समाजकार्य करायला बाहेर,
माझ्या पायात हिल्स
तिची आशाळभूत नजर.
मिनरल वोटर पीत मी
दिलेलं दिमाखदार भाषण

तिच्या डोळ्यात दाटलेलं पाणी
आणि त्यापुढे फ़िकं पडलेलं माझं मिनरल वाटर

माझा आत्मा असा कसा विकला मी ……

विडंबन : त्याला पाऊस आवडत नाही , तिला पाऊस आवडतो……. (गारवा)

तिला दारू आवडत नाही
त्याला दारू आवडते
पिउन तो आल्यावर मग
तिच्या तावडीत सापडतो

मी तुला आवडतो
पण दारू आवडत नाही
असले तुझे गणित
मला कळत नाही

दारू म्हणजे मरण
दारू म्हणजे वाईट
दारू म्हणजे कल्ला सारा
दारू म्हणजे टाइट

दारू यकृत खराब करतो
दारू म्हणजे वैतागवाडी
दारू म्हणजे मजा
दारू म्हणजे ताडी

दारू म्हणजे घाण वास
दारू म्हणजे त्रास उगाच
दारूमध्ये गुपचूप मन
येउन जाते रंगात

दरवेळी पिउन येतो
दरवेळी असं होत
दारूवरून भांडण होऊन
लोकांमध्ये हस होत

दारू जरी आवडत नसली
तरी तो तिला आवडतो
दारूसकट आवडावा तो
म्हणून तोही झगडतो

रुसून मग ती निघून जाते
भिजत राहते आसवात

कॉ. गोविंद पानसरे आणि त्यांच्या पत्नीवर गोळीबार

सोशल मीडीयावर काही ठिकाणी वाचल्यानुसार, कॉ. गोविंद पानसरे आणि त्यांच्या पत्नीवर गोळीबार होऊन त्यांना गंभीर इजा झालेली असल्याचं समजतं.

हे खरं असेल तर निराशा आणि हतबुद्ध व्हायच्या पलिकडचं काहीतरी चाललेलं आहे.

नरेंद्र दाभोळकर आणि पानसरे यांच्याबद्दलच्या बातम्यांमधलं अस्वस्थ करणारं प्रकरण असं आहे की हे करून नेमका कोणता हेतू साध्य होतो आहे, कुणाला राजकीय भांडवल मिळतं आहे, कुणासमोरचा कसला अडसर दूर होतो आहे हे कळत नाही. त्यामुळे कॉन्स्पिरसी थिअरीज् मांडण्याशिवाय आणि वांझ संताप व्यक्त करण्याशिवाय काहीही करता येणं अशक्य आहे.

बातमीचा प्रकार निवडा

आन्सर क्या चाहिये? : सुरुवात

[टायटल वाचून कन्फ्यूज झाला असाल, तर मी स्वतःला १ पॉईंट दिलेला आहे. पुढे वाचा.]

"आजकाल कुठल्याही महानगरात जर तुम्ही एखादा दगड भिरकावून मारलात, तर तो एखाद्या इंजिनेराला लागण्याची शक्यता सर्वाधिक आहे."
~ एका इंजिनेराच्याच रिसर्चवरून.
.

व्हॅलेन्टाईन्स डेची कहाणी

आटपाट नगर होतं. तिथं एक गरीब मध्यमवर्गीय दांपत्य रहात असे. एकुलता एक मुलगा परदेशी शिकायला गेल्यापासून ते अतिशय कंटाळवाणे आयुष्य कंठत असत. बायको दिवसभर मराठी मालिका पाही आणि नवरा दिवसाभर मराठी बातम्या वाचे. संध्याकाळी नवरा इंग्रजी/हिंदी बातम्या पाही, बायको हिंदी मालिका पाही आणि दोघे जेवून झोपी जात. त्यांच्या प्रेमरथाची गती तिशीनंतर मंद होता होता आता अगदी ठप्प होऊन गेली होती. बायको अगदी विटून गेली होती. शेजारचे मध्यमवयीन दांपत्य मात्र हातात हात घेऊन फिरायला जात, सिनेमाला जात, मधूनमधून सुट्टीवर जात आणि एकमेकांच्या खांद्यावर हात ठेवलेले प्रेमळ फोटो फेसबुकावर लावत.