Skip to main content

आई, अशी कशी ही दिवाळी !

आई, अशी कशी ही दिवाळी
येते पटकन, सरते झटकन,
अभ्यासाला पुन्हा जुंपते
दहा दिवस का जाती चटकन !

फराळाच्या डब्यात मोठ्ठ्या
गोड गोड का तसेच उरते ?
चकली चिवडा चट्टामट्टा
पोटामध्ये भरकन जिरते !

भुईचक्र अन् टिकल्या आता
कंटाळा मज येइ उडवता -
धमाल दिसते मोठया हाती
बॉम्ब नि रॉकेट आवाज करता !

सुट्टी असते किती ग हट्टी
ठरल्या दिवशी येते जाते -
मित्रमंडळी गोळा होता
धमाल अमुची मनीं रहाते !

छायाचित्रण पाक्षिक-आव्हान १२ :नातं

पुढच्या पंधरवड्यासाठी विषय आहे : नातं. नातं म्हणजे फक्त मनुष्यांतलंच किंवा अगदी सजीवांमधीलच असायला हवे असे नाही.

Nile हे आव्हानदाते या धाग्यावर विजेता निवडतील.

स्पर्धेचे नियम पुढीलप्रमाणे आहेत:
१. केवळ स्वतःने काढलेले छायाचित्रच स्पर्धेच्या काळात स्पर्धेसाठी प्रकाशित करावे. मात्र स्पर्धा काळ संपल्यानंतर, निकाल घोषित झाल्यावर त्याविषयाशी संबंधित इतरांची, इतरत्र पाहिलेली चित्रे योग्य परवानगी घेऊन इथे टाकल्यास हरकत नाही किंवा स्पर्धाकाळात टाकलेले इतरांचे चित्र स्पर्धेसाठी धरले जाणार नाही.

स्पर्धा का इतर?

माझा क्रंबललेला ऱ्हूबार्ब

बरेच दिवस खरडवह्यांमधे गाजावाजा करून झाल्यावर शेवटी ही पाककृती प्रकाशित करताना मला नुस्तीच दाढी आतमधे साधूच नाही ही म्हण आठवते आहे. पण असते एखाद्या गणपाच्या किंवा एखाद्या स्वातीताईच्या हाताला चव, म्हणून काय आमच्यासारख्या गप्पाड्या लोकांनी पाणीही उकळवू नये काय? आणि त्यापुढे कधी आमची मजल गेलीच तर त्यावर फुशारक्या मारूच नयेत का काय? असो तर मुद्दा आहे पाकृचा!

संदिग्धता हा साहित्यगुण असतो का?

Taxonomy upgrade extras

'सध्या काय वाचताय?' या धाग्यावरचा हा प्रतिसाद पाहून काही मुद्दे डोक्यात येत होते. त्या संदर्भात हे मुक्तचिंतन. 'द सेन्स ऑफ अ‍ॅन एंडिंग' ह्या पुस्तकाबद्दल लिहिताना 'शेवटपर्यंत उत्कंठा टिकवून ठेवली आहे; पण सर्व प्रश्नांची उत्तरं मिळत नाहीत.' अशी प्रतिक्रिया वाचताच माझ्या डोक्यात 'म्हणजे चुकीचे प्रश्न विचारताय की काय?' अशी पृच्छा आली. त्याचं कारण थोडक्यात (आणि पुस्तकातले रहस्यभेद टाळून) असं देता येईल -

जपमाळकथा (एक प्रस्ताव)

नमस्कार. 'ऐसी अक्षरे' वर एक chain-story अथवा 'जपमाळकथा' सुरू करण्याचा माझा मानस अाहे. तपशील खालीलप्रमाणे:

(१) 'ऐअ'च्या सदस्यांपैकी सहा लेखक ही कथा लिहितील; सोयीसाठी त्यांना अापण क्ष-१ ते क्ष-६ अशी नावं देऊ. क्ष-१ कथेची सुरुवात करेल, त्यानंतर क्ष-२ कथेचा पुढचा भाग लिहील, त्यानंतर क्ष-३ लिहील, असं होत होत क्ष-६ नंतर क्ष-१ पुन्हा लिहील. (कथेचा शेवट कसा होईल यासाठी मुद्दा (५) पाहा.)

अभिव्यक्तीस्वातंत्र्याचा विजयः पालघर पोलिसांवर कारवाई

पालघरच्या दोन तरूणींना पोलिस स्टेशनमधे बोलावून त्यांच्यावर केलेली कारवाई चूक असल्याचे ठरवत पालघरचे पोलिस अधीक्षक रवींद्र सेनगावकर यांना निलंबित करण्याचा आणि पालघरचे प्रथम वर्ग न्यायदंडाधिकारी रामचंद्र बागडे यांची जळगाव येथे बदली करण्याचा निर्णय घेतल्याची माहिती राज्य सरकारने दिली आहे.
अधिक माहिती: http://maharashtratimes.indiatimes.com/articleshow/17383089.cms
या बातमीनुसार ठाणे ग्रामीणचे अतिरिक्त अधीक्षक संग्रामसिंह निशाणदार यांना सक्त ताकीद देण्यात आली आहे तर पालघर पोलिस ठाण्याचे वरिष्ठ निरीक्षक श्रीकांत पिंगळे यांना लवकरच निलंबित केले जाणार असल्याचे सूत्रांकडून समजते .

कंट्री क्लब चिकन

कालपर्यंत कधी युरोपियन पदार्थ घरी करून बघण्याचे धाडस केले नव्हते. फारसे मसाले नसलेले पदार्थ घरी केले तर अगदीच बेचव होतील अशी अनाठायी भीती हे त्याचं कारण होतं की आळस हे सांगणं अवघड आहे. पण काल इतर सर्व कामांना आळशीपणामुळेच सुट्टी दिली आणि ही पाकृ करायला घेतली. चवीला फक्कड झाली ही नवर्‍याकडून पावती मिळाल्यामुळे इथेही देण्याचा उत्साह वाटला. इथल्या तमाम बल्लव-सुगरणींना स्मरून सुरुवात करते.

साहित्यः
४ - ६ चिकन ब्रेस्ट पिसेस
१ मोठा कांदा

कोसला २.०

पुण्यात शिकायला आल्यावर होणारा सर्वात मोठा प्रॉब्लेम म्हणजे पाठीमागे लागणार व्यक्तिमत्व विकास किंवा पर्सनॅलिटी डेवेलपमेंट नावाच प्रकरण. कुठल्याही ब्राम्हण मध्यमवर्गीय घरातून आलेल्या पोराप्रमाणे माझया पण आजूबाजूला असलेल्या लोकांमध्ये शाखेवर जाणार्‍या, गर्व से कहो हं हिंदू है वाल्या, आय टि त करीयर करून फॉरिन ला जायची आकांक्षा बाळगणार्‍या आणि जगातील कुठल्याही सर्व चांगल्या गोष्टींबद्दल अपराध गंड बाळगणार्‍या मुलांचा भरणा होता. मी एकंदरच या सगळ्यांनमध्ये मिसफिट होतो.

बाळासाहेबांनंतर काय ?

Taxonomy upgrade extras

असं म्हणतात की नेहरू गेल्यानंतर तत्कालीन देशीविदेशी पत्रकार/निरीक्षक "नेहरूंनंतर कोण?" आणि त्याहीपेक्षा "नेहरूंनंतर काय ?" असे प्रश्न विचारू लागले होते. पुढे काय घडलं ते सर्वज्ञात आहे. यातला "काय ?" हा प्रश्न म्हणजे "भारताचं काय होणार ?" अशा अर्थाने होता.

फिरोज रानडे यांचे निधन

सुप्रसिद्ध वास्तुरचनाकार आणि लेखक फिरोज रानडे यांचे निधन झाले आहे. वास्तू आणि वास्तुरचनाशास्त्र या विषयांवर लालित्यपूर्ण लिहिण्याची मराठीत फारशी परंपरा नाही. या पार्श्वभूमीवर 'इमारत', 'मुंबईतली प्रार्थनास्थळे' यांसरखी त्यांची पुस्तके महत्त्वाची मानली जातात. कामानिमित्त अनेक ठिकाणी झालेल्या भटकंतीतले त्यांचे अनुभवही उल्लेखनीय आहेत. 'लोकसत्ता'त आलेली त्यांच्या निधनाची बातमी -
http://www.loksatta.com/mumbai-news/famous-architects-firoz-ranade-dead…