व्हॅलेंटाईन डे हवा कशाला

---------------------------------------------------------------

ती होती नाजूक चाहूल
जेव्हा आयुष्यात माझ्या
पडले तुझे गं पाऊल

तो बहरला निशिगंध
की दरवळली रातराणी
कोणास ठाऊक काय ते
पण झाली सुरु कहाणी

लागले पिसे मनाला
जिवाला नवीनच भूल
ती होती…

दिवस जाहले सोनेरी
अन् निशा निशा चंदेरी
तलम जाहले वस्त्र मनाचे
ल्यायले नक्षी गं जरतारी

जळी स्थळी चेहरा तुझा
जिवाला नवीनच खूळ
ती होती…

ही वाटचाल मोठी
संगतीने चालावयाची
साथ असता तुझी
काय तमा भयाची

कवी संजीव यांची क्षमा मागून
मूळ गीत - सोनियाच्या ताटी उजळल्या ज्योती

सोनियाच्या पोटी आले तुझ्या पाठी देशाला मिळून लुटाया...
वेड्या बहिणीची रे वेडी माया || धृ ||

माया माहेराची बोफोर्स दलालीची...
'इकडून' घातली भर पाचशे कोटींची...
गिळलेल्या जमिनीची झाली चौकशी तयार आम्ही नाटक कराया...
वेड्या बहिणीची रे वेडी माया || १ ||

येता निवडणूक साडी नेसावी...
आई - भावासाठी मते मागावी...
चमचांचा सागर नाचतो समोर आपली निष्ठा दाखवाया...
विमानातून काही हाती आले नाही, कोकलतो भाऊराया रे...
वेड्या बहिणीची रे वेडी माया || २ ||

- यतिन भट

तर मुद्दाम पोस्ट
साधी सोपी बंदिस्त गोष्ट...!!

ती आणि ती
तो आणि तो..!

थोडं ऐकायला
     विचित्र
पण सत्य चित्रं..!

समाज नाही काही
       मानत..
बसतात ते
त्यांच्या भावना कण्हत..!!

तिला ती आवडते
त्याला तो आवडतो
आणि त्या दोघांना ,
     तो अडवतो...

समाज ,
समाज देणं
बुरखा पांघरूण
असतो सदैव टीमक्या
मिरवीत...

समलैंगिक समजलैंगिक
भावना ऐच्छिक ..
तिची तिच्याबद्दल अन
त्याची त्याच्याबद्दल..!

तुझी भरारी उंच नभीची
पंखांवरती घेऊन घरटे
क्षितिज तांबडे घेत उराशी
दूरदेशीच्या नादगंधल्या
…वाऱ्यावरती भणाणलेली

पंखनिळाई तुझी लकाके
संध्येच्या कायेवर भगव्या
संथ वाहत्या नदीकाठच्या
दाट धुक्याचे अस्तर फाडत
…वीज होऊनी थरारलेली

शब्दाचा ध्वनी जिथे विरावा
तोल क्षणाचा जिथुन ढळावा
त्या रेषेवर सावरलेली
सापेक्षाच्या उंबरठ्यावर
…सावलीत तू विसावलेली

दादा कोंडकेंची माफी मागून
मूळ गीत - अंजनीच्या सुता तुला रामाचं वरदान

सोनियाच्या सुता, तुला खानदानी वरदान....
एकमुखाने चमचे, गाती राहुल आख्यान || ध ||

माता किरीस्ताव तुझी, पिता पारशी बावा...
जानवेधारी ब्राह्मण म्हणूनी, कैसा तू खपावा?
पन्नाशीला आला, बुद्धी बालकासमान.... || १ ||

चहुकडे ऐसे ज्ञान, पाजळशी राया...
सकाळच्या रात्री उठीसी, ऐसी तुझी माया...
खुळावले शिंदे, झाले मनमोहन हैराण... || २ ||

देशद्रोह्यांसाठी घेतलीस, विद्यापीठी धाव....
करा देशाचे तुकडे, हम आए तुम्हें बचाव...
चाचा दिग्वीजय, कन्हैया बंधूसमान... || ३ ||