Skip to main content

गीली पुच्ची (देवनागरी शीर्षकामुळे गोंधळात पडू नका)

"अजीब दास्तान्स" नामक चार कथांच्या मोटेतली ही एक फिल्म आहे. केवळ तीस मिनिटात ही छोटी फिल्म मोठा कॅन्व्हास दाखवते. भारती आणि प्रिया ह्या दोन बायांची गोष्ट. भारतीकडे रूप, जात, लैंगिक ओळख, एकलेपणा, आर्थिक वंचना या सगळ्यांची वजाबाकी होऊन उरलेली बुद्धी, कष्टाळूपणा आणि लढाऊपणा यांची शिल्लक आहे. तर प्रियाकडे खाऊन पिऊन सुखी कुटुंब, सवर्णता, शिक्षण आणि रूप असूनही काहीश्या निर्बुद्ध निरागसतेमुळे वाट्याला आलेली दया, पुरुषी आपुलकी, गृहित धरले जाणे आणि आयुष्याविषयी दुखरा संभ्रम आहे.

समीक्षेचा विषय निवडा

'mental Health Day' रजा घेउन काढलेल्या नोटस

काल गिल्ट फ्री , मानसिक-आरोग्य दिवस रजा घेतली. म्हणजे अशी काही कॅटेगरी आमच्या ऑफिसात आहे असे नव्हे तर आपल्यालाच तशी कॅटेगरी स्वांताय सुखाय या हेतूस्तव बनवावी लागते. तर काल मी पहीले म्हणजे सकाळी तासभर चालून फिरुन आले. चालताना, आर्ट् ऑफ लिव्हींगच्या रिशी नित्यप्रज्ञा यांचे काही व्हिडीओज ऐकले. एकदम छान सुरुवात झाली दिवसाची. व्हिडीओ ऐकण्यात व्यतीत केलेला हा वेळ मला फार बहुमूल्य वाटला. घरी आल्यावरती मी ऐकलेल्या भागांच्या काही नोटस काढल्या. कॉलेजपासूनच नोट काढण्यात मास्टरी होती माझी. विषयाच्या सविस्तर आणि सारभूत नोटस काढायच्या, मराठीत टिपणे म्हणतात त्याला. ती टिपणे खाली शेअर करते आहे.

ललित लेखनाचा प्रकार

गोष्ट सांगा गणित शिकवा .... ७

13 मे रोजी दु. 12:31 वा. पुण्यात तुमची सावली "गायब" होईल! Fake news? खाली लिंक्स आणि सविस्तर माहिती दिली आहे.
...

**************************
आत्ता पर्यंत: अंतराळात भ्रमण करून ज्ञानाच्या सीमा वाढवण्याच्या मोहिमेवर टीम पुणेला आय आर एस आर्यभट्टवर कॅप्टन नेमोंनी सहकारी म्हणून स्वीकारलं होतं. सध्या त्रिकोणी ग्रहावर... एरेटॉसथिनिस काका...

ललित लेखनाचा प्रकार

लसविषयक शंकानिरसन आणि चर्चा (भाग २)

लस, त्याचे दोन डोस, त्यातील गॅप याविषयी बऱ्याच शंका, confusion जनमानसात आहे. ते दूर करण्यासाठी.

गोष्ट सांगा आणि गणित शिकवा... ६

To every problem, there is a most simple solution. हे चिंट्या जितके सहज म्हणाला, तितके सहज उत्तर मिळेल याची कुणालाच खात्री नव्हती. पण शोधले तर पाहिजेच! त्याशिवाय गत्यंतर नव्हते...
...

**************************
गोष्टीचा आधीचा भाग.... इथे टिचकी मारा
**************************

...

ललित लेखनाचा प्रकार

सवय

साखरझोपेच्या डोळेजड सीमेवरून
हाकारणार्‍या अनघड कल्पनांची
वास्तवाच्या धगीत
कापूरवाफ होताना बघण्याची
आता सवय करून घेतोय

मास्कावगुंठित श्वासात
अवकाळी पावसाचा विषण्ण मृद्गंध
ऊरफोड भरून
पाऊसगाणे गाण्याची
आता सवय करून घेतोय

हताशेच्या महासाथीची "न"वी लाट
सकारात्मक विचारांच्या प्लसीबोने
नेस्तनाबूत होईलच
हे स्वत:ला वारंवार पटविण्याची
आता सवय करून घेतोय

कन्टेन्टचा सुकाळ आणि लॉज ४९

मी काही वर्षांपूर्वी जालावरचा रोचक कंटेंट : कुठे, कसा आणि कधी शोधायचा? हा धागा उघडला होता. अर्थात तेव्हाच्या त्रिशतकी धाग्यांच्या तुलनेत हा धागा लहानखुराच ठरला. आताच्या तुलनेत मात्र तो ऐसीच्या सुवर्णकाळातला वाटतो.

""श्रीमंत" लोक कसे रहातात"

"श्रीमंत" लोक कसे रहातात : खूप महाग
व्हिस्कीचा शेवटचा घोट संपल्यावर ते
फ्रिजमध्ये अर्धवट राहिलेला बुंदीचा लाडू
मधुमेहाची चिंता न करता खातात. आयुष्यात
एखादी काळी , विशेष उर्जावान, विशेष पसरट
रुंद पार्श्वभागाची स्त्री भेटावी असे त्यांचे स्वप्न असते. हे
कधीच पुरे होत नाही ,आणि यातून
पैशाने सर्वकाही मिळतेच असे नाही ही उक्ती सिद्ध होते, पण
ते सोडा. आयुष्य कंटाळवाणे न होऊ देणे
हे त्यांचे सर्वस्व असते. रात्री एकटेच गाडीत बसून ते दूर दूर
अशा जागी जातात जिथे एक दिव्याच्या अजस्त्र
बिल्डिंगबाहेर उतरल्यावर परग्रहावर आल्याचा

"कोव्हिडच्या रात्री"

सुस्कारा टाकून आपण
यू -ट्यूब मालवितो ,
फेसबुक-वाद संपतात , दिवस मावळतो,
गरम पापण्यांखाली हळूहळू
अश्रू जमा होऊ लागतात.
निरुपयोगी अश्रूंच्या
जागी व्हिस्की सरकविणे
उपयुक्त ठरते.
ते छद्म-सोनेरीपण "खोटे" कसे म्हणणार?
उद्याचा दिवस "आज" तर आलेला नाही ना?
अश्रूंच्या तळ्यातून व्हिस्कीच्या मळ्यात शिरुया
तळ्यात मळ्यात
तळ्यात मळ्यात..
xxx

"भर्त्सना"

ही अशी मोडकी रिक्षा
अस्तित्वाचीच परीक्षा
श्वास घेण्याचीच शिक्षा
कशापायी?

जनुक-संच कळकटणे
बिन-धुराचे हे जळणे
आणि काहीहि न कळणे
कशापायी?

अरे आहेस "तू" कोण ?
चालविशी का हे बाण ?
माझ्या वेदनेची जाण
कशी नसे?

तूच मला बनविले!!!!
मी होते सांगितले?
नव्हते मी मागितले
"असे" काही!
xxx